மீண்டும் விஜய், அஜித்துக்கு ஜோடியாகும் திரிஷா
மணிரத்னம் இயக்கிய பொன்னியின் செல்வன் படத்தில் நடித்த பிறகு திரிஷாவின் மார்க்கெட் மீண்டும் சூடு பிடித்திருக்கிறது. ஏற்கனவே அவர் நடித்து முடித்து கிடப்பில் கிடந்த ராங்கி படம் தற்போது ரிலீசுக்கு தயாராகி விட்டது.. அதேபோன்று தி ரோடு என்ற ஒரு படத்தில் ஆக்சன் ஹீரோயினாக நடித்து வருகிறார் திரிஷா. இதை அடுத்து லோகேஷ் கனகராஜ் இயக்கத்தில் விஜய் நடிக்கும் 67-வது படத்திலும், விக்னேஷ் சிவன் இயக்கத்தில் அஜித் நடிக்கும் 62 வது படத்திலும் திரிஷா நடிப்பதாக தகவல்கள் வெளியாகி உள்ளன. அதனால் கோலிவுட்டில் மீண்டும் பரபரப்பு வளையத்திற்குள் வந்திருக்கிறார் திரிஷா. இதற்கு முன்பு விஜய்யுடன் கில்லி, திருப்பாச்சி, ஆதி, குருவி போன்ற படங்களில் நடித்துள்ள திரிஷா, அஜித்துடன் ஜி, கிரீடம், மங்காத்தா, என்னை அறிந்தால் போன்ற படங்களில் நடித்திருக்கிறார் என்பது குறிப்பிடத்தக்கது.