மேட்டூர்: காவிரி நீர்ப்பிடிப்பு பகுதிகளில் மழை இல்லாததால் ஒகேனக்கல், மேட்டூர் அணைக்கான நீர்வரத்து குறைவாக உள்ளது. ஒகேனக்கல் காவிரியில் நீர்வரத்து தொடர்ந்து 7வது நாளாக இன்றும் 6,500 கனஅடியாக நீடித்தது. இதேபோல், மேட்டூர் அணைக்கு, 6வது நாளாக இன்றும் விநாடிக்கு 5,600 கனஅடி வீதம் தண்ணீர் வந்து கொண்டிருந்தது.
அணையில் இருந்து காவிரி டெல்டா பாசனத்திற்கு நீர் மின்நிலையங்கள் வழியாக விநாடிக்கு 5000 கனஅடி வீதமும், கிழக்கு மேற்கு கால்வாய் பாசனத்திற்கு 600 கனஅடி வீதமும் தண்ணீர் திறக்கப்பட்டு வருகிறது. அணையின் நீர் இருப்பு 93.47 டிஎம்சியாகவும், நீர்மட்டம் 120 அடியாகவும் உள்ளது. அணையின் நீர்மட்டம், தொடர்ந்து 21வது நாளாக 120 அடியாக நீடிக்கிறது.