Producer Nitin Manmohan passed away : பாலிவுட்டில் போல் ராதா போல், லாட்லா, ரெடி, பூட் போன்ற பல திரைப்படங்களை தயாரித்து, புகழ்பெற்ற தயாரிப்பாளர் நிதின் மன்மோகன், சில வாரங்களுக்கு முன்பு மாரடைப்பு ஏற்பட்டது. அவரை உடனடியாக, நவி மும்பையில் உள்ள கோகிலாபென் திருபாய் அம்பானி மருத்துவமனைக்கு கொண்டு செல்லப்பட்டார்.
இந்நிலையில், அவர் இன்று காலை காலமானார் என்று அவரது மகள் பிராசி உறுதிசெய்தார். அவர் கடந்த மூன்று வாரங்களாக மருத்துவமனையில் சிகிச்சை பலனின்றி இன்று உயிரிழந்ததாக தெரிவிக்கப்பட்டது.
Sorry to hear about the demise of well known film producer,Director , Writer Nitin Manmohan ji due to heart attack . It’s another loss to the film Industry.
My heartfelt condolences to the family & near ones.
ओम् शान्ति !
pic.twitter.com/nouPGxWw0C— Ashoke Pandit (@ashokepandit) December 29, 2022
60 வயதான அவர் இதயக் கோளாறு காரணமாக அவர் மருத்துவமனையில் அனுமதிக்கப்பட்டார். அவர் மிகவும் ஆபத்தான நிலையில் வந்து ஐசியுவில் அனுமதிக்கப்பட்டார் என்று மருத்துவமனை அலுவலர் ஒருவர் தெரிவித்தார். மேலும், அவர் உயிரிழப்பது முன்பு வரை வென்டிலேட்டரில் இருந்தார்.
தயாரிப்பாளரின் உடல்நலக்குறைவு பற்றி அறிந்ததும், நடிகர் அக்ஷய் கண்ணா அவரின் குடும்பத்தை தொடர்புகொண்டு ஆறுதல் தெரிவித்தார். நிதின் மன்மோகன் – அக்ஷய் கண்ணா, இருவரும் தீவாங்கி, ‘கலி கலி சோர் ஹை’ போன்ற படங்களில் இணைந்து பணியாற்றினர்.
Sad news. After battling with Death for 25 days, prolific film producer Nitin Manmohan breathed his last this morning. May his soul rest in peace.https://t.co/ocWIvjXz0I pic.twitter.com/CTt5d7Sgzf
— Komal Nahta (@KomalNahta) December 29, 2022
பல ஆண்டுகளாக, போல் ராதா போல் (1992), லாட்லா (1994), யம்லா பக்லா தீவானா (2011), லவ் கே லியே குச் பி கரேகா (2001), தஸ் (2005), சல் மேரே பாய் (2001), மஹா-சங்ராம் (1990), இன்சாஃப்: தி ஃபைனல் ஜஸ்டிஸ் (1997), தீவாங்கி, நயீ படோசன் (2003), அதர்ம் (1992), பாகி, ஈனா மீனா தீகா, ததாஸ்து, டேங்கோ உள்ளிட்ட ஏராளமான திரைப்படங்களைத் தயாரித்துள்ளார்.
பிரம்மச்சாரி, கும்னாம், நயா ஜமானா போன்ற படங்களில் நடித்து மறைந்த நடிகர் மன்மோகனின் மகன் நிதின் மன்மோகன். அவருக்கு மனைவி, பிராச்சி என்ற மகள் மற்றும் சோஹம் என்ற மகன் உள்ளனர்.