மகிழ்ச்சி நிறைந்த ஆண்டு : நன்றி சொன்ன நயன்தாரா
நயன்தாராவிற்கு 2022 மகிழ்ச்சி நிறைந்த ஆண்டாகவே இருந்துள்ளது. திருமணம், இரட்டை குழந்தை பிறப்பு என மகிழ்ச்சியில் உள்ளார். அவர் கதையின் நாயகியாக நடித்த கனெக்ட் படம் கடந்தவாரம் வெளியானது. இந்த படத்திற்கு கிடைத்த வரவேற்பிற்கு நன்றி தெரிவித்துள்ளார் நயன்தாரா.
அவர் வெளியிட்ட அறிக்கை : ‛‛எனக்கு இந்தாண்டு மகிழ்ச்சி நிறைந்த ஆண்டாக அமைந்தது. கனெக்ட் படத்தை பார்த்து ஆதரவளித்த அனைவருக்கும் நன்றி. என் மீது நம்பிக்கை வைத்த இயக்குனர் அஷ்வின் சரவணன் மற்றும் அவரது குழுவினருக்கு நன்றி. நன்றி. உங்களின் இயக்கத்தில் நடித்தது பெருமை. உங்களின் இயக்கம் உலகத் தரம் வாய்ந்தது. படத்தின் தயாரிப்பாளர் ரவுடி பிக்சர்ஸ் விக்னேஷ் சிவனுக்கு அன்பு கலந்த நன்றி. உங்கள் அன்பு, ஆதரவு, கருத்து, விமர்சனங்கள் அனைத்தையும் நாங்கள் ஏற்றுக் கொண்டோம். இனி வரும் காலங்களில் எங்களின் புது முயற்சிக்கு இது பாடமாக இருக்கும்'' என்றார்.