கிறிஸ்டியானோ ரொனால்டோ தங்கள் அணியில் இணைந்திருப்பதை அல் நஸர் அணி அதிகாரப்பூர்வமாக அறிவித்துள்ளது.
அல் நஸர் அணியுடன் ஒப்பந்தம்
சவூதி அரேபியாவின் கிளப் அணியான அல் நஸருடனான ஒப்பந்தத்தில் கிறிஸ்டியானோ ரொனால்டோ கையொப்பமிட்டார். இந்த ஒப்பந்தத்தின்படி அவர் ஆண்டுக்கு 175 மில்லியன் பவுண்டுகள் பெறுவார்.
37 வயதாகும் ரொனால்டோ விளையாட உள்ள ஆறாவது அணி அல் நஸர் ஆகும். முன்னதாக அவர் மான்செஸ்டர் அணிக்காக 236 போட்டிகளில் 103 கோல்கள் அடித்திருந்தார்.
2009 – 2018 காலகட்டத்தில் ரியல் மாட்ரிட் அணிக்காக 292 போட்டிகளில் 311 கோல்கள் அடித்திருந்தார்.
புதிய ஜெர்சியுடன் ரொனால்டோ
இந்த நிலையில் ரொனால்டோ புதிய ஜெர்சியுடன் இருக்கும் புகைப்படத்தை அல் நஸர் அணி தனது ட்விட்டர் பக்கத்தில் வெளியிட்டுள்ளது.
மேலும் அந்த அணி வெளியிட்டுள்ள பதிவில், ‘வரலாறு உருவாகிறது. இது எங்கள் கிளப்பை இன்னும் பெரிய வெற்றியை அடைய ஊக்குவிப்பது மட்டுமல்லாமல், எங்கள் லீக், எங்கள் தேசம் மற்றும் எதிர்கால சந்ததியினர், சிறுவர்கள் மற்றும் சிறுமிகளுக்கு சிறந்த பதிப்பாக இருக்க ஊக்குவிக்கும் ஒரு கையொப்பமாகும்.
உங்களின் புதிய இல்லமான அல் நஸர் எப்.சிக்கு வரவேற்கிறோம் கிறிஸ்டியானோ’ என தெரிவித்துள்ளது.
History in the making. This is a signing that will not only inspire our club to achieve even greater success but inspire our league, our nation and future generations, boys and girls to be the best version of themselves. Welcome @Cristiano to your new home @AlNassrFC pic.twitter.com/oan7nu8NWC
— AlNassr FC (@AlNassrFC_EN) December 30, 2022