இந்தியாவில் பிப்ரவரி 1 மிகப்பெரிய அறிமுகம் காத்திருக்கிறது. தென் கொரியாவின் சாம்சங் நிறுவனம் அதன் பிரபல ஸ்மார்ட்போன் சீரிஸ் மாடலான Galaxy S23 சீரிஸ் உடன் சேர்த்து அதன் புதிய Galaxy Book 3 லேப்டாப் வெளியிடுகிறது.
இந்த லேப்டாப் முன்பதிவு இப்போது அந்த நிறுவனத்தின் அதிகாரபூர்வ இணையதளம் மற்றும் ஆப் மூலமாக தொடங்கியுள்ளது. இதனுடன் நமக்கு 5 ஆயிரம் ரூபாய் மதிப்பிலான சலுகைகள் கிடைக்கவுள்ளன.
Galaxy Book 3 Series
இந்த லேப்டாப் மொத்தமாக 3 மாடல்களில் வெளியாகவுள்ளது. Vanilla Galaxy Book 3, Galaxy Book 3 Pro, Galaxy Book 3 Ultra ஆகிய மாடல்களில் இது கிடைக்கிறது. இது பிப்ரவரி 1 வெளியாகி அதே மாதம் மத்தியில் அல்லது மார்ச் மாத தொடக்கத்தில் இருந்து விற்பனையாகும்.
புதிய டச் டிஸ்பிலே வசதி
இந்த லேப்டாப் இப்போது புதிய டச் டிஸ்பிலே வசதியுடன் வெளியாகவுள்ளது. இந்த லேப்டாப் விவரங்கள் எதுவும் வெளியாகவில்லை. இதில் OLED டிஸ்பிலே மாடல் ஒன்றையும் நாம் எதிர்பார்க்கலாம்.
இதில் 15 இன்ச் ஸ்க்ரீன் வசதியுடன் Galaxy Book 3 360 சுற்றும் ஸ்க்ரீன் இருக்கும் என்று எதிர்பார்க்கப்படுகிறது. இதன் Galaxy Book 3 Pro மாடல் 14 மற்றும் 16 இன்ச் ஸ்க்ரீன் ஆப்ஷன்களுடன் வெளியாகும் எனவும், இதன் Ultra மாடல் ஒரே ஒரு 16 இன்ச் ஸ்க்ரீன் ஆப்ஷனுடன் வெளியாகும் எனவும் எதிர்பார்க்கப்படுகிறது.
Processor விவரம்
இதன் Ultra மாடல் Intel 13th Gen i9 13900H Processor, NVIDIA RTX4070 GDDR6 8GB கிராபிக்ஸ் வசதி, 1TB NVMe SSD PCIe Gen 4 ஸ்டோரேஜ், 76WH பேட்டரி போன்ற வசதிகள் கொண்டிருக்கும்.
Pro மாடல் பொறுத்தவரை 13th Gen Intel Core i5 1340P மற்றும் Core i7 1360P Processor வசதி, 8GB DDR5 RAM, 1TB NVMe SSD PCIe Gen 4 SSD, Intel Integrated Graphics கொண்டிருக்கும். இதன் 14 இன்ச் மாடல் 63Wh பேட்டரி வசதியும், 1.2 கிலோ எடையும் கொண்டிருக்கும். இதன் 16 இன்ச் மாடல் 76WH பேட்டரி வசதியும் 1.6 கிலோ எடையும் கொண்டிருக்கும்.
விலை எதிர்பார்ப்பு
இதன் என்ட்ரி லெவல் மாடலான Galaxy Book 3 45 ஆயிரம் ரூபாய் விலையில் தொடங்கலாம். இதன் Pro மாடல் 70 ஆயிரம் ரூபாய் விலையிலும் இதன் Ultra மாடல் 1 லட்சம் ரூபாய் விலையிலும் விற்பனை ஆகும் என்று எதிர்பார்க்கப்படுகிறது.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்