மாஸ்டர் படத்திற்கு பிறகு லோகேஷ் மற்றும் விஜய் இணையும் படத்திற்கு லியோ என பெயரிடப்பட்டுள்ளது. லலித் தயாரிக்கும் இப்படத்திற்கு அனிருத் இசையமைக்க த்ரிஷா நாயகியாக நடிக்கின்றார். குருவி படத்திற்கு பிறகு 14 ஆண்டுகள் கழித்து விஜய்யுடன் இப்படத்தின் மூலம் இணைகிறார் த்ரிஷா.
மேலும் சஞ்சய் தத், அர்ஜுன், மிஸ்கின், கௌதம் மேனன் என மிகப்பெரிய நட்சத்திர பட்டாளமே இப்படத்தில் நடித்து வருகின்றனர். இவர்கள் கூட்டணியில் ஏற்கனவே வெளியான மாஸ்டர் திரைப்படம் என்னதான் வெற்றிப்படமாக இருந்தாலும் அப்படம் முழுக்க முழுக்க லோகேஷின் ஸ்டைலில் இல்லை என ஒரு குறை ரசிகர்களுக்கு இருந்து வந்தது.
Run baby run: சீரியசான ரோலில் சிக்ஸர் அடித்தாரா ஆர்.ஜெ.பாலாஜி ?வெளியான ரன் பேபி ரன் விமர்சனம்..!
அதனை போக்கும் வகையில் லியோ திரைப்படம் முழுக்க முழுக்க லோகேஷின் ஸ்டைலில் தான் உருவாகி வருவதாக தகவல்கள் வருகின்றன. இந்நிலையில் பொதுவாக லோகேஷின் படங்களில் ஹீரோவிற்கு இணையாக வில்லன் கதாபாத்திரங்களும் அமையும்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
விஜய் சேதுபதி, சூர்யா என லோகேஷின் படங்களில் வில்லன்களுக்கு தனி முக்கியத்துவம் இருக்கும். அந்த வகையில் லியோ படத்திலும் முக்கியமான வில்லன் கதாபாத்திரத்தில் நடிக்க நடிகர் விஷாலை அணுகினார் லோகேஷ்.
ஆனால் விஷால் கால்ஷீட் பிரச்சனையால் லியோ படத்தில் தன்னால் நடிக்க முடியாமல் போனது என கூறியிருந்தார். இந்நிலையில் விஷால் லியோ படத்தில் நடிக்காமல் போனதிற்கு தயாரிப்பாளர் லலித் தான் காரணம் என தற்போது ஒரு தகவல் வந்துள்ளது.
சமீபகாலமாக விஷால் கால்ஷீட் பிரச்சனைகளால் தவித்து வருகின்றார். எனவே அவர் லியோ படத்தில் நடித்தால் கால்ஷீட் குளறுபடியால் தேவையில்லாத பிரச்சனைகள் வரும் என்ற காரணத்தினால் தயாரிப்பாளர் லலித் வேண்டாம் என்றதாக ஒரு தகவல் உலா வருகின்றது. இதன் காரணமாகத்தான் அக்கதாபாத்திரத்தில் தற்போது அர்ஜுன் நடிப்பதாக பேசப்பட்டு வருகின்றது குறிப்பிடத்தக்கது.