ரஜினி தற்போது நெல்சனின் இயக்கத்தில் ஜெயிலர் திரைப்படத்தில் நடித்து வருகின்றார். சன் பிக்சர்ஸ் தயாரிக்கும் இப்படத்திற்கு அனிருத் இசையமைத்து வருகின்றார். யோகி பாபு, வசந்த் ரவி, ரம்யா கிருஷ்ணன் உட்பட இப்படத்தில் மோகன்லால், ஷிவ்ராஜ் குமார், ஜாக்கி ஷரூப் என மிகப்பெரிய நட்சத்திர பட்டாளமே நடித்து வருகின்றனர்.
ரஜினி பல ஆண்டுகளுக்கு பிறகு ஜெயிலர் படத்தின் மூலம் மல்டி ஸ்டாரர் படத்தில் நடித்து வருவதால் படத்தின் மீதான எதிர்பார்ப்பு பலமடங்கு உயர்ந்துள்ளது. தற்போது இப்படத்தின் படப்பிடிப்பு விறுவிறுப்பாக நடைபெற்று வர தீபாவளி பண்டிகையை முன்னிட்டு ஜெயிலர் படத்தை வெளியிட படக்குழு திட்டமிட்டுள்ளது.
AK62: மகிழ் திருமேனியும் கிடையாதா ? கடைசி நேரத்தில் ட்விஸ்ட் வைத்த படக்குழு..!
இந்நிலையில் இப்படத்தை தொடர்ந்து ரஜினி சிபி சக்ரவர்த்தியின் இயக்கத்தில் தன் 171 ஆவது திரைப்படத்தில் நடிப்பார் என எதிர்பார்க்கப்பட்டது. ஆனால் சிபி சக்கரவர்த்தி கூறிய கதையில் ரஜினிக்கு உடன்பாடு இல்லாதா காரணத்தால் சிபி சக்ரவர்த்தியை ரஜினி நிராகரித்ததாக தகவல் வந்தது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதையடுத்து தற்போது வந்த தகவலின் படி ஜெய் பீம் படத்தை இயக்கி பிரபலமான ஞானவேல் இயக்கத்தில் ரஜினி தன் 171 ஆவது படத்தில் நடிக்கயிருப்பதாக ஒரு தகவல் பரவி வருகின்றது. இதையடுத்து இப்படத்தில் ரஜினியுடன் இணைந்து நடிகர் சூர்யா சிறப்பு தோற்றத்தில் நடிப்பதாக கடந்த சில நாட்களாக தகவல்கள் வருகின்றன.
இருப்பினும் ரஜினி மற்றும் ஞானவேல் கூட்டணியே இன்னும் அதிகாரபூர்வமாக அறிவிக்கப்படாத நிலையில் இதெல்லாம் வெறும் வதந்தி தான் என சிலர் கூறி வருகின்றனர் என்பது குறிப்பிடத்தக்கது.