தற்போது சினிமா ரசிகர்கள் உட்பட திரையுலக வட்டாரத்தை சார்ந்த பலரும் அஜித்தின் AK62 அறிவிப்பை எதிர்பார்த்து தான் காத்திருக்கின்றனர். துணிவு படத்தின் வெற்றிக்கு பிறகு அஜித் விக்னேஷ் சிவனின் இயக்கத்தில் AK62 படத்தில் நடிப்பதாக இருந்தது.
இவர்கள் கூட்டணியில் உருவாகும் படத்தின் படப்பிடிப்பும் ஜனவரியில் துவங்கும் என எதிர்பார்க்கப்பட்டது. ஆனால் விக்னேஷ் சிவனின் கதையில் அஜித் மற்றும் லைக்கவிற்கு உடன்பாடு இல்லாத காரணத்தால் விக்னேஷ் சிவனை அதிரடியாக நீக்கிவிட்டனர். இது திரையுலகில் பெரும் பரபரப்பை ஏற்படுத்தியது.
Leo: என்ன லியோ படத்தில் அவர் நடிக்கவில்லையா ? உச்சக்கட்ட வருத்தத்தில் ரசிகர்கள்..!
கடந்தாண்டே இவர்கள் கூட்டணியில் AK62 திரைப்படம் உருவாகும் என அதிகாரபூர்வமாக அறிவிக்கப்பட்ட நிலையில் தற்போது இப்படத்திலிருந்து விக்னேஷ் சிவனை நீக்கியுள்ளது அனைவர்க்கும் அதிர்ச்சியை ஏற்படுத்தியது. இந்நிலையில் தற்போது AK62 திரைப்படத்தில் அஜித்தை மகிழ் திருமேனி இயக்கவுள்ளது கிட்டத்தட்ட உறுதியாகியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதைப்பற்றிய அறிவிப்பு இன்னும் சில தினங்களில் அதிகாரப்பூர்வமாக அறிவிக்கப்படவுள்ளது. மேலும் இப்படத்திற்கு சந்தோஷ் நாரயணன் இசையமைக்கவுள்ளார் என்ற தகவலும் வந்துள்ளது. இந்நிலையில் தற்போது இப்படத்தின் கதைக்களம் பற்றிய தகவல் ஒன்று வெளியாகவுள்ளது.
அதாவது திரில்லர் மற்றும் ஆக்ஷன் கதைக்களத்தில் படமெடுப்பதில் வல்லவரான மகிழ் திருமேனி AK62 திரைப்படத்தை அதிரடியான ஆக்ஷன் கதைக்களம் கொண்ட படமாக எடுக்கவுள்ளாராம். KGF படத்தை போல இப்படமும் தெரிவிக்கவிடும் ஆக்ஷனில் உருவாகப்போவதாக தகவல்கள் வருகின்றது. இருப்பினும் இப்படத்தின் அதிகாரபூர்வ அறிவிப்பிற்காகவே ரசிகர்கள் தற்போது காத்துக்கொண்டிருக்கின்றனர் என்பது குறிப்பிடத்தக்கது.