தமிழ் சினிமாவில் முன்னணி இயக்குனர்களில் ஒருவராக இருப்பவர் அட்லீ. ஷங்கரின் உதவி இயக்குனராக பணியாற்றிய அட்லீ ராஜா ராணி படத்தின் மூலம் இயக்குனராக அறிமுகமானார். ஆர்யா, நயன்தாரா, ஜெய் என பலர் நடித்த அப்படம் மிகப்பெரிய வெற்றியை பெற்றது.
இதையடுத்து தன் இரண்டாவது படத்திலேயே விஜய்யை இயக்கும் மிகப்பெரிய வாய்ப்பு அட்லீக்கு கிடைத்தது. அந்த வாய்ப்பை மிகச்சரியாக பயன்படுத்தி தெறி என்ற பிரமாண்ட வெற்றிப்படத்தை கொடுத்து விஜய்யின் நம்பிக்கையை சம்பாதித்தார் அட்லீ.
Kamalhaasan: கமலின் முடிவில் ஏற்பட்ட திடீர் மாற்றம்..கடைசில இப்படி ஒரு ட்விஸ்ட்டா ?
இதைத்தொடர்ந்து விஜய்யை வைத்து மெர்சல், பிகில் என ஹாட்ரிக் வெற்றியை பதிவு செய்து விஜய்யின் ஆஸ்தான இயக்குனராக அட்லீ உருவெடுத்தார். விஜய்யின் மார்க்கெட்டை அடுத்த கட்டத்திற்கு கொண்டு செல்ல அட்லீயின் படங்கள் மிகமுக்கிய காரணமாக அமைந்தது எனலாம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் தற்போது அட்லீ ஷாருக்கானின் நடிப்பில் உருவாகும் ஜவான் என்ற பாலிவுட் படத்தை இயக்கிவருகிறார். இப்படத்தில் நயன்தாரா நாயகியாக நடிக்க விஜய் சேதுபதி வில்லன் கதாபத்திரத்தில் நடிக்கின்றார். தற்போது இப்படத்தின் படப்பிடிப்பு விறுவிறுப்பாக நடைபெற்று வரும் சூழலில் அட்லீயின் மீது கடுமையான கோபத்தில் ஷாருக்கான் இருப்பதாக தகவல் வந்துள்ளது.
ஏனென்றால் ஜவான் படத்திற்காக அட்லீ பட்ஜெட்டை விட 14 கோடி அதிகமாக செலவளித்துள்ளாராம். இதன் காரணமாக அட்லீயை கண்டித்துள்ளார் ஷாருக்கான். இதனால் அப்சட்டான அட்லீ சென்னைக்கு திரும்பியுள்ளாராம்.
ஷாருக்கானின் கோபம் தணிந்த பிறகு அவரை சந்திக்கலாம் என அட்லீ முடிவெடுத்துள்ளதாக தகவல் வந்துள்ளது. இந்நிலையில் ஜவான் திரைப்படத்தை ஷாருக்கான் தான் தயாரித்து வருகின்றார் என்பது குறிப்பிடத்தக்கது.