பிரபல யூடிப் விமர்சகர் ப்ளூ சட்டை மாறன் தனுஷின் ‘வாத்தி’ படத்தை பங்கமாக கலாய்த்து தள்ளியுள்ள வீடியோ இணையத்தில் வைரலாகி வருகிறது.
வாத்திதமிழ், பாலிவுட், ஹாலிவுட் என கலக்கி வரும் தனுஷ் தெலுங்கு இயக்குனர் வெங்கி அட்லூரி இயக்கத்தில் நடித்துள்ள படம் ‘வாத்தி’. தெலுங்கில் பிரபலமான தயாரிப்பாளராக திகழும் நாக வம்சி தயாரிப்பில் தமிழ், தெலுங்கு மொழியில் நேற்றைய தினம் இந்தப்படம் வெளியாகியுள்ளது. இந்நிலையில் இந்தப்படத்திற்கு ப்ளூ சட்டை மாறன் அளித்துள்ள விமர்சனம் இணையத்தில் வைரலாகி வருகிறது.
வெளியானது வாத்திதமிழில் ‘வாத்தி’ மற்றும் தெலுங்கில் ‘சார்’ என்றும் டைட்டிலுடன் வெளியாகியுள்ளது ‘வாத்தி’. இந்தப் படத்தின் தமிழக விநியோக உரிமையை ரெட் ஜெயண்ட் மூவிஸ் நிறுவனம் கைப்பற்றியுள்ளது. சம்யுக்தா மேனன் கதாநாயகியாக நடித்துள்ள ‘வாத்தி’ படத்திற்கு ஜி.வி.பிரகாஷ் குமார் இசையமைத்துள்ளார்.
குவியும் பாசிட்டிவ் விமர்சனம்மேலும், சமுத்திரக்கனி, சாய் குமார், ஆடுகளம் நரேன், இளவரசு, மொட்ட ராஜேந்திரன் உள்ளிட்ட பலர் இந்தப் படத்தில் நடித்துள்ளனர். 1990 காலக்கட்டத்தில் நடப்பதை போன்று ‘வாத்தி’ படத்தின் கதைக்களம் அமைக்கப்பட்டுள்ளது. நேற்றைய தினம் திரையரங்குகளில் வெளியாகியுள்ள இந்தப்படம் பாசிட்டிவ் விமர்சனங்களை குவித்து வருகிறது.
ப்ளூ சட்டை மாறன் விமர்சனம்இந்நிலையில் இந்தப்படத்திற்கு பிரபல யூடிப் விமர்சகர் ப்ளூ சட்டை மாறன் விமர்சனம் அளித்துள்ளது இணையத்தில் வைரலாகி வருகிறது. அதில், படத்தின் கதையுடன் விமர்சனத்தை ஆரம்பிக்கும் மாறன் ஹீரோவும், வில்லனும் மைண்ட் கேம் ஆடுவாங்கன்னு பார்த்த. சாராயம் விற்குறவங்க மாதிரி அடியாளை விட்டு மோதி சண்டை போட்டுக்கிறாங்க. சமீபத்துல தமிழ், தெலுங்குல படம் சேர்த்து எடுக்குறேன் சொல்லி இரண்டு படத்தை எடுத்து ஆடியன்சை பயமுறுத்தி வைச்சாங்க.
வாரிசுடன் ஒப்பீடுபிரின்ஸ் படத்தை தெலுங்குல படம் எடுத்து தமிழ் ரசிகர் தலைல கட்ட பார்க்குறீயான்னு புறக்கணிச்சுட்டாங்க. ‘வாரிசு’ படம் தமிழ், ஆந்திரான்னு இல்லாம வட இந்தியா பக்கம் போய் மொத்தமா ஹிந்தி சீரியலை எடுத்து வைச்சுட்டாங்க. ஆனா இந்த படத்துல அந்த கொடுமை எல்லாம் பண்ணல. முதல் பாதி எல்லாம் பரவாயில்லை.
புதுசா ஒன்னும் இல்லைதமிழ் நாட்டை பொறுத்தவரை இது புது கதையும் இல்லை. சமீபத்துல தான் ராட்சசின்னு ஒரு படம் வந்துச்சு. சாட்டை, அடுத்த சாட்டைன்னு இப்போ இது அதுக்கு அடுத்த சாட்டையாய் வந்துருக்கு. படத்துல புதுசா ஒன்னும் இல்லை. லாஜிக்கும் இல்லை. படத்தேல்லாம் விட்டுட்டு நல்ல கருத்து சொல்லிருக்கேன் சொல்லுவாங்க. இவுங்க கருத்தை கேட்டு கேட்டு நான் எப்படி கருத்து போயிட்டேன் பாருங்க என ‘வாத்தி’ படத்தை பங்கமாக கலாய்த்து தள்ளியுள்ளார் ப்ளூ சட்டை மாறன்.