Nayanthara marriage:லேடி சூப்பர் ஸ்டாரான நயன்தாரா பற்றி வெளியாகியிருக்கும் தகவல் அறிந்த ரசிகர்கள் என்ன சொல்கிறார்கள் என்று தெரிந்து கொள்வோம்.
நயன்தாராஇயக்குநர் விக்னேஷ் சிவனை காதலித்து பதிவுத் திருமணம் செய்து கொண்டார் நயன்தாரா. அதை யாருக்கும் சொல்லவில்லை. இதையடுத்து கடந்த ஆண்டு ஜூன் மாதம் 9ம் தேதி ஊர் உலகத்திற்கு எல்லாம் தெரியும் வகையில் மகாபலிபுரத்தில் இருக்கும் ரிசார்ட் ஒன்றில் விக்னேஷ் சிவனை மணந்தார். அந்த நிகழ்ச்சியில் சூப்பர் ஸ்டார் ரஜினிகாந்த், பாலிவுட் நடிகர் ஷாருக்கான் உள்ளிட்ட பல பிரபலங்கள் கலந்து கொண்டார்கள்.
குழந்தைகள்ஜூன் மாதம் திருமணம் செய்து கொண்ட நயன்தாரா அக்டோபர் மாதம் இரட்டை ஆண் குழந்தைகளுக்கு தாயானார். திருமணமான வேகத்தில் குழந்தைகள் எப்படி என சர்ச்சை கிளம்பியது. வாடகைத் தாய் மூலம் நயன்தாரா தாயானது குறித்து விசாரிக்க தனிக்குழுவை அமைத்தது தமிழக அரசு. அந்த விசாரணையின்போது தான் தனக்கும், விக்னேஷ் சிவனுக்கும் பதிவுத் திருமணம் நடந்தது பற்றி தெரிவித்தார் நயன்தாரா.
ஏ.கே. 62குழந்தை சர்ச்சை ஒரு வழியாக அடங்கியது. திருமணத்திற்கு பிறகு நயன்தாரா நடிப்பில் வெளியான படங்கள் சரியாக ஓடவில்லை. மேலும் அஜித் குமாரின் ஏ.கே. 62 படத்தில் இருந்து விக்னேஷ் சிவன் நீக்கப்பட்டார். திருமணமானதில் இருந்து அடியாக இருக்கிறதே என குடும்ப ஜோதிடரை சந்தித்தார்களாம். உங்களுக்கு திருமணம் நடந்த நேரம் சரியில்லை, அதனால் மீண்டும் திருமணம் செய்து கொண்டால் எல்லாம் சரியாகிவிடும் என்று ஜோதிடர் கூறியதாக தகவல் வெளியாகியுள்ளது.
மீண்டும்பரிகாரத்திற்காக விக்னேஷ் சிவனை மீண்டும் திருமணம் செய்து கொள்ளப் போகிறார் நயன்தாரா என பேசப்படுகிறது. இது குறித்து அறிந்த ரசிகர்கள் கூறியிருப்பதாவது, இந்த மூன்றாவது திருமண செய்தி கண்டிப்பாக வதந்தியாகத் தான் இருக்க வேண்டும். எதற்கெடுத்தாலும் ஜோதிடரை நாடுபவர்கள், திருமணத்திற்கு மட்டும் அவருடன் கலந்து பேசாமலா முடிவு செய்திருப்பார்கள். நல்ல நேரம் பார்த்து தான் திருமணம் நடந்தது. அதனால் இது வதந்தியே என்கிறார்கள்.
வதந்திரசிகர்கள் சொல்வதும் நியாயம் தான். நயன்தாராவுக்கும் வதந்திக்கும் அப்படியொரு ராசி இருக்கிறது. அடிக்கடி அவரை பற்றி ஏதாவது வதந்தி பரவி வருகிறது. அதனால் இந்த திருமண பேச்சும் வதந்தி என நம்பப்டுகிறது. அடிக்கடி வதந்தி பரவுவதால் விளக்கம் அளித்து தன் நேரத்தை வீணடிபப்தில்லை நயன்தாராவும், விக்னேஷ் சிவனும்.
ஜவான்நயன்தாரா தற்போது பாலிவுட் சூப்பர் ஸ்டார் ஷாருக்கான் ஜோடியாக ஜவான் இந்தி படத்தில் நடித்து வருகிறார். இந்நிலையில் சென்னையில் நடந்த படப்பிடிப்பில் கலந்து கொள்ள வந்த ஷாருக்கான், நயன்தாராவின் வீட்டிற்கு சென்று குழந்தைகளை பார்த்தார். கிளம்பிச் சென்றபோது அவர் நயன்தாராவுக்கு முத்தம் கொடுத்த வீடியோ வெளியாகி வைரலானது.
Nayanthara:நயன்தாராவுக்கு குட்பை சொல்லி முத்தம் கொடுத்த சூப்பர் ஸ்டார்: க்யூட் வீடியோ