விஜய்யின் ‘லியோ’ படத்தில் விஜய் சேதுபதி நடிப்பதாக வெளியாகியுள்ள தகவல் ரசிகர்கள் மத்தியில் எக்கச்சக்க எதிர்பார்ப்பை கிளப்பியுள்ளது.
லியோ’லியோ’ படப்பிடிப்பிற்காக விஜய் உள்ளிட்ட படக்குழுவினர் அனைவரும் காஷ்மீரில் முகாமிட்டுள்ளனர். லோகேஷ் கனகராஜ் இயக்கத்தில் உருவாகி வரும் இந்தப்படத்தை கோலிவுட் வட்டாரமே அதிகம் எதிர்பார்த்து காத்து கொண்டிருக்கிறது. இந்தப்படம் குறித்து வெளியாகும் ஒவ்வொரு அப்டேட்களும் இணையத்தை கலக்கி வருகின்றன.
வசூல் சாதனை படைத்த வாரிசுகடந்த பொங்கல் வெளியீடாக விஜய் நடிப்பில் ‘வாரிசு’ ரிலீசானது. தமிழ், தெலுங்கு மொழயில் உருவான இந்தப்படத்தை வம்சி பைடிபள்ளி இயக்கினார். ராஷ்மிகா மந்தனா ஹீரோயினாக நடித்த இந்தப்படத்தில் சரத்குமார், பிரகாஷ் ராஜ், பிரபு சியாம், சங்கீதா, சம்யுக்தா, எஸ்.ஜே. சூர்யா உள்ளிட்ட பலர் நடித்திருந்தனர். இந்தப்படம் வசூலில் மிகப்பெரிய சாதனை படைத்தது.
மீண்டும் இணைந்த மாஸ்டர் கூட்டணி’வாரிசு’ படத்தில் குடும்ப செண்டிமென்ட் கொண்ட கதையம்சத்தில் நடித்த விஜய் தற்போது அதற்கு எதிராக முழுக்க ஆக்ஷன் பாணியில் உருவாகும் லியோவில் நடித்து வருகிறார். ‘மாஸ்டர்’ படத்திற்கு பிறகு இரண்டாவது முறையாக லோகேஷ் இயக்கத்தில் விஜய் நடிக்கிறார். விஜய்யின் 67 படமான இந்தப்படத்திற்கு ‘லியோ’ என டைட்டில் வைத்து புரமோ வீடியோ ஒன்றையும் படக்குழுவினர் வெளியிட்டனர்.
லியோவில் இணைந்த பிரபலங்கள்’லியோ’ படத்தில் சஞ்சய் தத், மிஷ்கின், திரிஷா, கெளதம் மேனன், பிரியா ஆனந்த், மேத்யூ தாமஸ், அர்ஜுன், மன்சூர் அலிகான், மற்றும் சாண்டி உள்ளிட்டோர் நடிக்கின்றனர். ‘வாரிசு’ படத்தை விநியோகம் செய்த செவன் ஸ்கீரின் ஸ்டுடியோ லியோவை தயாரிக்கிறது. மாஸ்டர் படத்திற்கு இசையமைத்த அனிருத் லியோவிற்கும் இசையமைக்கிறார்.
ரத்னகுமார்’லியோ’ படம் லோகேஷ் கனகராஜின் எல்யூசி பாணியில் உருவாவதாக கூறப்படுகிறது. அதாவது லோகேஷின் முந்தைய படங்களின் கதாபாத்திரங்கள் இந்தப்படத்திலும் இணையும் என எதிர்பார்க்கப்படுகிறது. இந்நிலையில் லோகேஷின் நெருங்கிய நண்பரும், இயக்குனருமான ரத்னகுமார் தனது ட்விட்டர் பக்கத்தில், ஒருபக்க கண்ணாடியை மட்டும் வைத்துக்கொண்டு ‘இறப்பை பற்றி பேசாதே’ என கேப்சன் கொடுத்து பதிவு ஒன்றை பகிர்ந்துள்ளார்.
விஜய் சேதுபதிலோகேஷின் ‘விக்ரம்’ படத்தில் விஜய் சேதுபதி ஒருபக்க கண்ணாடியுடன் நடித்திருப்பார். அதே கண்ணாடி தான் தற்போது ரத்னகுமார் கையில் வைத்துள்ளதாக நெட்டிசன்கள் கமெண்ட் அடித்து வருகின்றனர். எனவே, ‘லியோ’ படத்தில் விஜய் சேதுபதியின் சந்தானம் கதாபாத்திரம் இடம்பெற்றிருக்கும் என ரசிகர்கள் எதிர்பார்க்கின்றனர். இதனால் ‘லியோ’ படத்தின் மீது எக்கச்சக்க எதிர்பார்ப்பு எகிறியுள்ளது.