தமிழில் ஹீரோயின் ஆன மலையாள டிவி நடிகை
மலையாள தொலைக்காட்சி தொடர்களில் குழந்தை நட்சத்திரமாகவும், கதை நாயகியாகவும் நடித்தவர் தேவ் கிருஷ்ணன். தொலைக்காட்சி நடன நிகழ்ச்சி மூலம் அங்கு புகழ் பெற்றவர். சுவாமி அய்யப்பன், மழையறியாதே தொடர்களில் நடித்தார். தற்போது தேவிகா கிருஷ்ணன் என்ற பெயரில் தமிழ் படத்தில் ஹீரோயினாக அறிமுகமாகிறார்.
தஞ்சையப்பா ஸ்டுடியோஸ் தயாரிப்பில், அறிமுக இயக்குநர் ஷிவ நடராஜன் இயக்கும் இந்த படத்தில் முரளி ராம் கதையின் நாயகனாகவும் தேவிகா கிருஷ்ணன் நாயகியாகவும் நடிக்கிறார்கள். டிரம்ஸ் சிவமணி இசை அமைக்கிறார். ரொமாண்டிக் க்ரைம் திரில்லர் படமாக உருவாகிறது. இப்படத்தின் படப்பிடிப்பு காரைக்குடி மற்றும் திருநெல்வேலி பகுதிகளில் ஒரே கட்டமாக நடை பெறவுள்ளது. படத்திற்கு இன்னும் டைட்டில் வைக்கவில்லை.