இந்திய வம்சாவளியைச் சேர்ந்த கார்த்திக் சுப்ரமணியம் National Geographic-ன் ‘Pictures Of The Year’ விருதை வென்றார்.
சான் பிரான்சிஸ்கோவைச் சேர்ந்த சாப்ட்வேர் இன்ஜினியரான இந்திய-அமெரிக்கரான கார்த்திக் சுப்ரமணியம், 2023-ஆம் ஆண்டுக்கான நேஷனல் ஜியோகிராஃபிக் ‘பிக்சர்ஸ் ஆஃப் தி இயர்’ விருதை 5,000 பதிவுகளை முறியடித்து வென்றுள்ளார்.
அலாஸ்காவின் சில்காட் பால்ட் ஈகிள் பாதுகாப்பில் உள்ள கிளையில் மூன்று வெண்தலை கழுகுகள் (Bald Eagles) சண்டையிடுவதைக் காட்டும் “Dance of the Eagles” என்ற தலைப்பில் கார்த்திக் சுப்ரமணியம் தனது புகைப்படத்திற்கு பெரும் பரிசு வென்றதாக அறிவிக்கப்பட்டது.
Kartik Subramaniam/ Nat-Geo
இயற்கை, மக்கள், இடங்கள் மற்றும் விலங்குகள் ஆகிய நான்கு வெவ்வேறு பிரிவுகளில் கிட்டத்தட்ட 5,000 உள்ளீடுகளிலிருந்து புகைப்படம் தேர்ந்தெடுக்கப்பட்டது.
ஜார்ஜ் ஆர்.ஆர். மார்ட்டினின் நாவலான ‘எ டான்ஸ் வித் டிராகன்ஸ்’ என்ற கற்பனையான டிராகன் போருக்கு மரியாதை செலுத்தும் விதமாக அந்த படத்தை அவர் பெயரிட்டார்.
இந்த புகைப்படத்தை எடுக்க தான் சில்காட் பால்ட் ஈகிள் ப்ரெசர்வின் கரைக்கு அருகில் முகாமிட்டு காத்திருந்ததாக கூறினார்.
பொறியாளரும், பொழுதுபோக்கு புகைப்படக் கலைஞருமான கார்த்திக், அலாஸ்காவின் ஹைன்ஸில் உள்ள மீன்பிடித் தளங்களில் வழுக்கை கழுகுகள் பாய்ந்து வருவதைப் பார்த்துக்கொண்டே இருந்ததாகக் கூறினார்.
This striking image won our ‘Pictures of the Year’ photo contest – National Geographic https://t.co/pm6OosViNN pic.twitter.com/gyHcYphcS4
— 🇺🇦Evan Kirstel #B2B #TechFluencer (@EvanKirstel) February 18, 2023
ஒவ்வொரு இலையுதிர் காலத்திலும், சால்மன் மீன்கள் வரும்போது, உலகிலேயே மிகப்பெரிய வெண்தலை கழுகுகள், குறைந்தது 3,000 கழுகுகளுடன் கூட்டமாக இப்பகுதிக்கு வருமாம்.
சுப்ரமணியம் பல வருடங்களாக இயற்கை காட்சிகளையும் தனது பயணங்களையும் புகைப்படம் எடுத்து வருகிறார்.
அவர் தனது சான் பிரான்சிஸ்கோ வீட்டில் 2020-ல் கோவிட் காலகட்டத்தில் வனவிலங்கு புகைப்படம் எடுப்பதில் பரிசோதனையைத் தொடங்கினார்.
நேஷனல் ஜியோகிராஃபிக் இதழின் மே மாத வெளியீட்டில் அவரது புகைப்படம் இடம்பெறும்.