அல்லு அர்ஜுன் பதிலாக நானி
தெலுங்கு இயக்குனர் வேணு ஸ்ரீராம் இயக்கத்தில் உருவாக இருக்கும் திரைப்படம் ஐகான். கிட்டத்தட்ட இரண்டு ஆண்டுகளாக தெலுங்கு திரையுலகில் ஹாட் டாபிக் இதுதான். அல்லு அர்ஜுன் இந்தப் படத்தைப் பெரிதும் விளம்பரப்படுத்தினார். அவர் தனக்கென 'ICON Star' என்ற பட்டத்தையும் ஏற்றுக் கொண்டார். அவர் பல சந்தர்ப்பங்களில் ஐகான் என எழுதப்பட்ட தொப்பியை அணிந்திருந்தார். ஆனால் 'புஷ்பா' படத்திற்குப் பிறகு அல்லு அர்ஜுன் இந்த படத்தில் இருந்து விலகி விட்டார்.
தற்போது நடிகர் நானி இந்த படத்தில் நடிக்க பேச்சுவார்த்தை நடைபெற்று வருகிறது. இதற்கு முன் இயக்குனர் வேணு ஸ்ரீராம் இயக்கத்தில் வெளிவந்த எம்.சி.ஏ திரைப்படம் நானியின் கேரியரில் மிகப்பெரிய பிளாக்பஸ்டராக இருந்தது. மிகப்பெரிய பட்ஜெட்டில் உருவாக இருக்கும் இந்த 'ஐகான்' படத்தை தில் ராஜு தயாரிக்கிறார். மேலும் நடிகை கீர்த்தி ஷெட்டி முக்கிய கதாபாத்திரத்தில் நடிக்க இருப்பதாகவும் கூறப்படுகிறது.