தனது கனடிய குடியுரிமை தொடர்பாக பாலிவுட் நடிகர் அக்ஷய் குமார் எப்போதும் விமர்சனத்துக்கு உள்ளாகி வருகிறார். தனது வரவிருக்கும் திரைப்படமான செல்ஃபி வெளியீட்டிற்கு தயாராகி வரும் நடிகர், தனது பாஸ்போர்ட் மாற்றத்திற்கு விண்ணப்பித்ததாக அக்ஷய் குமார் தெரிவித்துள்ளார்.
55 வயதான நடிகர் அக்ஷய் குமார், தனியார் தொலைக்காட்சி நிறுவனத்திற்கு அளித்த பேட்டியில் தனது கனடிய குடியுரிமை குறித்து சில அதிர்ச்சியூட்டும் வெளிப்பாடுகளை அவர் இன்று வெளியிட்டார். கனேடிய கடவுச்சீட்டு வைத்திருப்பதற்காக தொடர்ந்து விமர்சிக்கப்படும் நடிகர், முன்னணி ஊடகத்திடம், தான் பாஸ்போர்ட் மாற்றத்திற்கு விண்ணப்பித்துள்ளதாகவும், தனது நாடான இந்தியா மீதான தனது அன்பை நிரூபிக்கும் பொருட்டு அதைத் துறப்பதாகவும் கூறினார்.
“இந்தியாதான் எனக்கு எல்லாமே” நான் எதை சம்பாதித்தேன், எது சம்பாதித்திருந்தாலும் அது இங்கிருந்துதான். மேலும் நான் திரும்பக் கொடுக்க ஒரு வாய்ப்பு கிடைத்ததில் நான் அதிர்ஷ்டசாலி. மக்கள் எதையும் அறியாமல் உங்களைப் பற்றியான விஷயங்களைச் சொல்லும்போது நீங்கள் மோசமாக உணர்கிறீர்கள்” என்று அவர் கூறினார்.
டாய்லட்: ஏக் பிரேம் கதா, பிருத்விராஜ் மற்றும் பல படங்களுக்காக பிரபலமாக அறியப்பட்ட அவர், 15க்கும் மேற்பட்ட தோல்விகளை வழங்கியபோது தனது வாழ்க்கையில் ஒரு கட்டத்தைப் பற்றி பேசினார். இது 1990களில். அவரது படங்களின் மோசமான பாக்ஸ் ஆபிஸ் செயல்திறன் அவரை கனேடிய குடியுரிமைக்கு விண்ணப்பிக்கத் தள்ளியது என்று நடிகர் கூறினார்.
“ஒரு கட்டத்தில் என் படங்கள் வேலை செய்யவில்லை.ஒரு முறை வேலை நிமித்தமாக கனடா சென்றேன். என் நண்பன் கனடாவில் இருந்தான், ‘இங்கே வா’ என்றார். நான் விண்ணப்பித்து உள்ளே நுழைந்தேன். “எனக்கு இரண்டு படங்கள் ரிலீஸுக்கு மீதம் இருந்தன, இரண்டுமே சூப்பர்ஹிட் ஆனது எனது அதிர்ஷ்டம். என் நண்பன் சொன்னான், ‘திரும்பிப் போ, மீண்டும் வேலையைத் தொடங்கு’ என்று.
எனக்கு இன்னும் சில படங்கள் கிடைத்தன, எனக்கு அதிக வேலை கிடைத்தது. பாஸ்போர்ட் வைத்திருந்ததை மறந்துவிட்டேன். இந்த பாஸ்போர்ட்டை மாற்ற வேண்டும் என்று நான் ஒருபோதும் நினைக்கவில்லை, ஆனால் இப்போது ஆம், எனது பாஸ்போர்ட்டை மாற்ற விண்ணப்பித்துள்ளேன்’’ என அவர் தெரிவித்தார்.
அதேபோல் அக்ஷய் குமார் அடுத்ததாக டைகர் ஷெராஃப் உடன் படே மியான் சோட் மியான் படத்தில் நடிக்கிறார். இப்படத்தை அலி அப்பாஸ் ஜாபர் இயக்குகிறார். இது தவிர, அவர் ஓ மை காட் 2, ஃபிர் ஹெரா பெரி 2 மற்றும் பிற படங்களையும் வரிசையில் வைத்துள்ளது குறிப்பிடதக்கது.