கைதி ஹிந்தி ரீமேக்கில் ஐட்டம் பாடல்
லோகேஷ் கனகராஜ் இயக்கத்தில் கார்த்தி நடித்த படம் கைதி. பாடல்களே இல்லாத இந்த படம் விறுவிறுப்பான திரைக்கதையால் ரசிகர்களை வெகுவாக கவர்ந்தது. இந்த நிலையில் தற்போது கைதி படத்தை ஹிந்தியில் போலா என்ற பெயரில் ரீமேக் செய்து வருகிறார் அஜய் தேவ்கன். அவரே தயாரித்து, இயக்கி, நடித்துள்ளார். வருகிற மார்ச் 30ம் தேதி இப்படம் ரிலீஸ் ஆகிறது.
அஜய் தேவகன் நாயகனான நடித்துள்ள இந்த படத்தில் தமிழில் நரேன் நடித்த போலீஸ் அதிகாரி வேடத்தில் தபு நடித்திருக்கிறார். மேலும், கைதி ஹிந்தி ரீமேக் படத்தில் கமர்சியல் கருதி சில கேரக்டர்களையும் இணைத்துள்ளார் அஜய் தேவ்கன். அதாவது இப்படத்தில் அவரது மனைவி வேடத்தில் அமலாபால் நடிக்க, ஒரு ஐட்டம் பாடலில் ராய் லட்சுமி நடனமாடி இருக்கிறார். ஹிந்தி ரசிகர்களின் ரசனையை கருத்தில் கொண்டு இந்த ஐட்டம் பாடலை போலா படத்தில் இணைத்திருப்பதாக தெரிவித்துள்ளார் அஜய் தேவ்கன்.