லிங்குசாமி படத்தில் பூஜா ஹெக்டே?
லிங்குசாமி இயக்கத்தில் சமீபத்தில் வெளிவந்த எந்த திரைப்படமும் எதிர்பார்த்த வெற்றியை பெறவில்லை. இந்நிலையில் சூர்யா, கார்த்தி, சிம்பு என பல முன்னணி நடிகர்களிடம் கதை சொல்லி இருக்கிறாராம் லிங்குசாமி. சமீபத்தில் நடிகர் ஆர்யாவுக்கு பையா படத்தின் இரண்டாம் பாகத்தின் கதையை கூறியுள்ளார் லிங்குசாமி. ஆர்யா தான் தற்போது காதர் பாட்சா என்ற முத்துராமலிங்கம் நடித்து வருகிறார். இந்த படத்தை முடித்தவுடன் பையா 2 படப்பிடிப்பு தொடங்கலாம் என லிங்குசாமி தரப்பில் சொல்லப்படுகிறது. இதனிடையே இந்த படத்தில் கதாநாயகியாக நடிக்க தற்போது பூஜா ஹெக்டே உடன் பேச்சு வார்த்தை நடத்தி வருகிறார்கள். விரைவில் அறிவிப்பு வெளியாகலாம் என எதிர்பார்க்கப்படுகிறது. முன்னதாக இந்த படத்தில் நாயகியாக ஜான்வி கபூர் நடிப்பதாக தகவல் வந்தது. ஆனால் அதை போனி கபூர் மறுத்தார் என்பது குறிப்பிடத்தக்கது.