அஜித் நடிக்கவுள்ள ‘ஏகே 62’ படத்தின் அறிவிப்பு டைட்டிலுடன் விரைவில் வெளியாகவுள்ளதாக இணையத்தில் செய்திகள் கசிந்துள்ளது.
ஏகே 62அஜித்தின் ‘ஏகே 62’ பட அறிவிப்பிற்காக ரசிகர்கள் ஆர்வமுடன் காத்திருக்கின்றனர். இந்தப்படம் குறித்து ஏராளமான தகவல்கள் வெளியாகி இணையத்தை கலக்கி வந்தாலும், இன்னமும் எந்தவொரு அதிகாரப்பூர்வ அறிவிப்பும் வெளியாகவில்லை. இந்நிலையில் ‘ஏகே 62’ பட அறிவிப்பு ‘லியோ’ படத்தை பாலோ பண்ணி வெளியாகவுள்ளதாக இணையத்தில் தகவல்கள் கசிந்துள்ளது.
துணிவுஅஜித் நடிப்பில் கடந்த மாதம் ‘துணிவு’ படம் வெளியானது. எச். வினோத், போனி கபூர், அஜித் கூட்டணி மூன்றாவது முறையாக இந்தப்படத்தில் இணைந்தனர். சமுத்திரக்கனி, மஞ்சு வாரியர், ஜான் கொக்கன், வீரா, அமீர், பாவனி மற்றும் சிபி ஆகியோர் அஜித்துடன் இணைந்து ‘துணிவு’ படத்தில் நடித்தனர். வங்கி கொள்ளையை மையமாக வைத்து இந்தப்படம் வெளியானது.
ஏகே 62 அறிவிப்புகடந்த மாதம் பொங்கல் திருநாளை முன்னிட்டு வெளியான இந்தப்படம் உலகளவில் பாக்ஸ் ஆபிசில் 250 கோடிக்கு மேல் வசூலித்துள்ளதாக கூறப்படுகிறது. மேலும் தற்போது நெட்பிளிக்ஸ் ஓடிடி தளத்திலும் ஸ்டீரிம் ஆகியுள்ளது ‘துணிவு’. இந்தப்படத்தின் ரிலீசுக்கு முன்பாக அஜித்தின் ‘ஏகே 62’ பட அறிவிப்பு வெளியானது. லைகா தயாரிப்பில் அனிருத் இசையில், விக்னேஷ் சிவன் இந்தப்படத்தை இயக்கவுள்ளதாக அறிவிக்கப்பட்டது.
விக்னேஷ் சிவன் விலகல்இந்நிலையில் ‘துணிவு’ பட ரிலீசுக்கு பின்பு ‘ஏகே 62’ பணிகள் துவங்கப்பட்டது. ஆனால் இந்தப்படத்திற்காக விக்னேஷ் சிவன் கூறிய கதை அஜித்துக்கும், தயாரிப்பு தரப்புக்கும் பிடிக்கவில்லை என்றும் இதனால் ‘ஏகே 62’ படத்திலிருந்து விக்கி விலகுவதாகவும் தகவல்கள் வெளியானது. இதனை உறுதி செய்யும் விதமாக தனது ட்விட்டர் பக்கத்திலிருந்த அஜித்தின் புகைப்படத்தை நீக்கினார் விக்னேஷ் சிவன்.
மகிழ் திருமேனிஇதனையடுத்து மகிழ் திருமேனி ‘ஏகே 62’ படத்தை இயக்கவுள்ளதாக கூறப்படுகிறது. மேலும் அருண் விஜய் வில்லனாகவும் அனிருத் இந்தப்படத்திற்கு இசையமைக்கவுள்ளதாகவும் தகவல்கள் வெளியாகியுள்ளன். அண்மையில் இந்தப்படத்தின் பூஜை நடைபெற்று முடிந்துள்ளதாகவும் கூறப்படுகிறது. ஆனாலும், இதுவரையில் ‘ஏகே 62’ படத்தின் அதிகாரப்பூர்வ அறிவிப்பு வெளியாகாமல் இருக்கிறது.
லியோ பாணியில் ஏகே 62இந்நிலையில் தற்போது வெளியாகியுள்ள தகவலின்படி டைட்டிலுடன் இந்தப்படத்தின் அறிவிப்பு வெளியாகவுள்ளதாக கூறப்படுகிறது. லோகேஷ் கனகராஜ் இயக்கத்தில் விஜய் நடிக்கும் ‘லியோ’ படத்தின் அறிவிப்பு டைட்டிலுடன் வெளியானது. அதே போன்றே ‘ஏகே 62’ படத்தின் அதிகாரப்பூர்வ அறிவிப்பை டைட்டிலுடன் வெளியிட அஜித் முடிவு செய்துள்ளதாகவும், இதனாலே படத்தின் அறிவிப்பு தாமதமாகியுள்ளதாகவும் தகவல்கள் வெளியாகியுள்ளன.