தென் கொரிய மற்றும் தாய்லாந்து நடிகர்களை சந்தித்த மகிழ்ச்சியில் ராஷ்மிகா
நடிகை ராஷ்மிகா மந்தனா மிகக்குறுகிய காலகட்டத்தில் தென்னிந்திய அளவில் முன்னணி நடிகையாக உயர்ந்து தற்போது பாலிவுட்டிலும் அடியெடுத்து வைத்து இரண்டு படங்களில் நடித்து ரிலீஸ் செய்தும் விட்டார். அதனால் பல சர்வதேச விழாக்களில் கலந்துகொள்ள அவருக்கு தொடர் அழைப்புகள் வந்து கொண்டிருக்கின்றன. அப்படி சமீபத்தில் நடைபெற்ற சர்வதேச பேஷன் ஷோ நிகழ்ச்சி ஒன்றில் கலந்து கொண்டார் ராஷ்மிகா.
அப்போது அந்த நிகழ்வில் கலந்து கொண்ட தென் கொரிய நடிகர் ஜங் வூ மற்றும் தாய்லாந்து நடிகர் கனாவட் ட்ராய்பிபட்டனோபோங் ஆகிய இருவருடன் தான் எடுத்துக்கொண்ட புகைப்படம் ஒன்றையும் மகிழ்ச்சியுடன் பகிர்ந்து கொண்டுள்ளார் ராஷ்மிகா. இந்த புகைப்படத்தில் உள்ள ராஷ்மிகாவின் தோற்றத்தை பார்க்கும்போது அவரே ஒரு வெளிநாட்டு நடிகை போல தான் காட்சி அளிக்கிறார் என்பது குறிப்பிடத்தக்கது.