இந்திய உதவியுடன் நேபாளின் முஸ்டாங் மாவட்டத்தில் புத்த பல்கலைக்கழகம் அமைக்கப்படும் என முன்னாள் பிரதமர் கேபி சர்மா ஒலி கூறிய குற்றச்சாட்டை நேபாள அரசு மறுத்துள்ளது.
முன்னாள் பிரதமரும், நேபாள கம்யூனிஸ்ட் கட்சி – ஐக்கிய மார்க்சிஸ்ட் லெனினிஸ்ட் கட்சியின் தலைவருமான ஒலி, திபெத்தில் இருந்து வெளியேறி காம்பா கிளர்ச்சியாளர்கள் குடியேறிய பகுதியில் புத்த பல்கலைக்கழகத்தை நிறுவ இந்தியாவை அனுமதிக்க அரசாங்கம் திட்டமிட்டுள்ளதாக சனிக்கிழமை கூறினார்.
இது குறித்து அவர் கூறும்போது, “நாட்டை வெளிநாட்டினரின் விளையாட்டு மைதானமாக மாற்றுவதற்காக, முஸ்டாங்கில் ஒரு பௌத்த கல்லூரியை திறக்க அரசாங்கம் இந்தியாவுக்கு அனுமதி அளிக்கிறது. இந்த திட்டம் நாட்டின் இறையாண்மையின் மீதான தாக்குதல். இமயமலைப் பகுதியில் பௌத்தக் கல்லூரியைத் திறப்பதற்கான இந்தியாவின் முன்மொழிவை ஏற்று, தற்போதைய பிரதமர் சீனாவுக்கு துரோகம் இழைத்துள்ளார்.
வெளிநாட்டினரை சமாதானப்படுத்த முஸ்டாங்கில் ஒரு பௌத்த கல்லூரியை நிறுவுவது நமது தேசியத்தின் மீதான தாக்குதல் மற்றும் நமது நட்பு தேசமான சீனாவை காட்டிக் கொடுப்பது ஆகும். சில திபெத்தியர்கள் நேபாள மண்ணில் இருந்து சீனாவிற்கு எதிராக இராணுவ நடவடிக்கையை மேற்கொண்ட பின்னர், நேபாள அரசாங்கம் 1974 இல் கம்பாக்களை அமைதியான முறையில் நிராயுதபாணியாக்கி நாட்டின் பல்வேறு பகுதிகளில் குடியேற்றியது.
1970 களின் முற்பகுதியில் நடந்த இந்த திபெத்திய கிளர்ச்சியை நினைவூட்டும் வகையில், முஸ்டாங்கில் புத்தக் கல்லூரியை அமைக்கும் திட்டம் இருக்கிறது. இது நாட்டின் இறையாண்மை மற்றும் சுதந்திரத்தை நிராகரிப்பதற்கு சமம். யாரும் வசிக்காத இடத்தில் உங்களுக்கு ஏன் பௌத்தக் கல்லூரி தேவை?” என ஒலி கேள்வி எழுப்பினார்.
முன்னாள் பிரதமரின் குற்றச்சாட்டுக்கு பதிலளிக்கும் விதமாக, அரசாங்க செய்தித் தொடர்பாளர் ரேகா ஷர்மா அறிக்கை ஒன்றை வெளியிட்டார். அதில் அவர் கூறும்போது, ‘‘முன்னாள் பிரதமர் ஒலியின் குற்றச்சாட்டுகள் பொய்யானவை. திபெத் தன்னாட்சி பிராந்தியத்திற்கு (TAR) அருகில் உள்ள ஒரு பகுதியில் புத்த பல்கலைக்கழகம் அமைப்பதற்கு அரசாங்கம் எந்த அனுமதியையும் வழங்கவில்லை.
உள்ளூர் பர்ஹா கவுன் முக்தி செத்ரா கிராமப்புற நகராட்சியின் வேண்டுகோளின் பேரில் இந்த திட்டம் இந்திய அரசாங்கத்திற்கு அனுப்பப்பட்டது, ஆனால் இன்னும் இறுதி முடிவு எதுவும் எடுக்கப்படவில்லை. முஸ்டாங்கின் பாரகுங் முக்திக்ஷேத்ரா கிராம சபையில் பல்கலைகழகத்திற்கு அரசு அனுமதி அளித்தது பற்றிய கூற்றுகள் ஏமாற்றுத்தனமானது. நேபாள அரசு அத்தகைய எந்த முடிவையும் எடுக்கவில்லை என்பதையும் நாங்கள் இதன் மூலம் அறிவிக்கிறோம்’’ என்று தெரிவித்துள்ளார்.
ஆதி தமிழர் கட்சியினரை விரட்டியடித்த நா.த.க-வினர்!
கடந்த பிப்ரவரி இறுதி வாரத்தில் உள்ளூர் ஊடகங்கள், சீனாவின் திபெத்தின் எல்லையான முஸ்டாங்கின் தடைசெய்யப்பட்ட பகுதியில் ஒரு புத்தமதக் கல்லூரியை அமைக்க இந்தியாவை அனுமதிக்கும் அரசாங்கத்தின் தயாரிப்பு பற்றி தெரிவித்தன.
ஐ.நாவில் கைலாசா: நித்யானந்தா அனுப்பிய பெண் பிரதிநிதிகள்… இது வேற லெவல் டிஸ்கஷன்!
அறிக்கையின்படி, இந்திய அரசாங்கம் 700 மில்லியனுக்கும் அதிகமான செலவில் பௌத்தக் கல்லூரிகளை அப்பர் மஸ்டாங்கின் தடைசெய்யப்பட்ட பிரதேசத்தில் அமைக்க திட்டமிட்டுள்ளது. தடைசெய்யப்பட்ட பகுதியின் உள்ளாட்சி அமைப்பான பர்ஹா கவுன் முக்தி சேத்ரா கிராமப்புற நகராட்சி, பௌத்த பல்கலைக்கழகத்தை நிர்மாணிப்பதற்கான நிதிக்காக காத்மாண்டுவில் உள்ள இந்திய தூதரகம் மூலம் இந்திய அரசுக்கு கோரிக்கையை அனுப்பியுள்ளது என உள்ளூர் ஊடகங்கள் தெரிவித்தது குறிப்பிடதக்கது.