பிரம்மாண்டமாக உருவாகி வரும் தனது 42 வது படத்தில் நடித்து வருகிறார் சூர்யா. சிறுத்தை சிவா இந்தப்படத்தை இயக்கி வருகிறார். வீரம், அண்ணாத்த போன்ற குடும்ப செண்டிமென்ட் கதையம்சம் கொண்ட படங்களை இயக்கி வரும் சிவாவுடன் முதன்முறையாக சூர்யா கூட்டணி அமைத்துள்ளது ரசிகர்கள் மத்தியில் எக்கச்சக்க எதிர்பார்ப்பை கிளப்பியுள்ளது.
‘சூர்யா 42’ படத்தின் மிரட்டலான போஸ்டர் அண்மையில் வெளியாகி ரசிகர்கள் மத்தியில் எதிர்பார்ப்பினை கிளப்பியது. ஸ்டுடியோ கிரீன் நிறுவனம் சார்பாக ஞானவேல் ராஜா இந்தப்படத்தை பிரம்மாண்டமாக தயாரிக்கிறார். தேவி ஸ்ரீ பிரசாத் இசையமைக்கும் இந்தப்படத்தில் பிரபல பாலிவுட் நடிகை திஷா பதானி ஹீரோயினாக நடிக்கிறார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
சுமார் 10 மொழிகளில் பான் இந்தியா படமாக இந்தப்படத்தை வெளியிட படக்குழு முடிவு செய்துள்ளது. மேலும் இந்தப்படம் 3டியில் உருவாகி வருகிறது. ‘சூர்யா 42’ படப்பிடிப்பில் இருக்கும் போதே இந்தி உரிமை, சாட்டிலைட், டிஜிட்டல் மற்றும் தியேட்டர் வினியோக உரிமை மிகப்பெரிய தொகைக்கு விற்பனையாகியுள்ளது. படப்பிடிப்பு முடியும் முன்பே ‘சூர்யா 42’ படம் 100 கோடி வரை வசூலித்துள்ளது ரசிகர்கள் மத்தியில் எதிர்பார்ப்பை கிளப்பியுள்ளது.
Ajith: ‘பில்லா’ படத்தில் இவருக்கு பதிலா தான் நயன்தாரா நடித்தாரா.?: போட்டோஸ் அள்ளுதே.!
இதன் படப்பிடிப்பு தற்போது விறுவிறுப்பாக நடந்து வருகிறது. மோஷன் போஸ்டருடன் படப்பிடிப்பு துவங்கிய பின்னர் படக்குழுவினர் எந்தவித அப்டேட்யும் வெளியிடாமல் இருந்தனர். இந்நிலையில் இந்தப்படத்திற்காக புதிய புரமோ வீடியோ தயாராகி வருவதாக தகவல்கள் வெளியாகியுள்ளன. விரைவில் இந்த புரமோ வீடியோவும், பர்ஸ்ட் லுக் போஸ்டரும் வெளியாகவுள்ளதாக கூறப்படுகிறது.
இதனால் சூர்யா ரசிகர்கள் உச்சக்கட்ட எதிர்பார்ப்பில் உள்ளனர். இதன் படப்பிடிப்பு கோவா மற்றும் பிஜு தீவில் நிறைவடைந்ததை தொடர்ந்து விரைவில் சென்னையில் அடுத்தக்கட்ட படப்பிடிப்பு துவங்கவுள்ளது. ‘சூர்யா 42’ படத்தினை தொடர்ந்து வெற்றிமாறன் இயக்கத்தில் சூர்யா நடிப்பார் என எதிர்பார்க்கப்படுகிறது. அண்மையில் நடந்த ‘விடுதலை’ டிரெய்லர் மற்றும் இசை வெளியீட்டு விழாவில் அடுத்ததாக ‘வாடிவாசல்’ படத்தை துவங்கவுள்ளதாக தெரிவித்துள்ளது குறிப்பிடத்தக்கது.
Agilan Review: ‘அகிலன்’ படத்தை பங்கம் பண்ணிய ப்ளூ சட்டை: ஜெயம் ரவி பாவம்பா..!