எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
அஜித் நடிக்கவிருக்கும் AK62 படத்தைப்பற்றிய அறிவிப்பு எப்போது வரும் என்று தான் அவரது ரசிகர்கள் ஆவலாக எதிர்பார்த்து இருக்கின்றனர். இந்நேரம் இப்படத்தின் படப்பிடிப்பு துவங்கி விறுவிறுப்பாக நடந்துகொண்டிருக்க வேண்டிய நிலையில் தற்போது படத்தைப்பற்றிய அதிகாரபூர்வ அறிவிப்பே வெளியாகாமல் இருக்கின்றது.
அதற்கு இயக்குனரை மாற்றியதே மிக முக்கியமான காரணமாக பார்க்கப்படுகின்றது. விக்னேஷ் சிவனின் கதையில் திருப்தியில்லை என்பதற்காக அவரை நீக்கிவிட்டு தற்போது மகிழ் திருமேனியை இயக்குனராக ஒப்பந்தம் செய்துள்ளனர் படக்குழுவினர்.
Dhanush: வெற்றிமாறனுக்கு தனுஷ் செய்த மிகப்பெரிய உதவி..இன்றளவும் மறக்காத வெற்றிமாறன்..!
எனவே விக்னேஷ் சிவனின் விஷயத்தில் ஏற்பட்ட தவறு இம்முறை நடந்துவிடக்கூடாது என்பதற்காக அஜித் ஒவ்வொரு விஷயத்தையும் பார்த்து பார்த்து செய்து வருகின்றார். வசனத்துடன் கூடிய முழு கதையையும் கேட்ட பிறகு ஷூட்டிங்கிற்கு செல்லவேண்டும் என்ற முடிவோடு இருக்கும் அஜித் மகிழ் திருமேனியின் கதையில் பல திருத்தங்களை கூறி வருகிறாராம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதுமட்டுமல்லாமல் மகிழ் திருமேனிக்கு பல கண்டிஷன்களையும் அஜித் போட்டுள்ளார். இதற்கெல்லாம் ஓகே சொல்லி மகிழ் திருமேனி தற்போது கதையை தயார் செய்யும் வேலையில் இறங்கியுள்ளார். இதன் காரணமாகவே தற்போது AK62 பட அறிவிப்பு வெளியாக தாமதம் ஆவதாக தகவல்கள் வருகின்றன.
இந்நிலையில் AK62 படத்தின் கதை முடிக்கப்படாமல் இழுத்துக்கொண்டே செல்வதால் அஜித் மற்றும் லைக்கா இருவரும் கொரியன் படம் ஒன்றை ரீமேக் செய்துவிடலாமா என யோசித்து வருகின்றனர் என ஒரு தகவல் வெளியாகியுள்ளது. லைக்கா நிறுவனம் கொரியன் படத்தின் ரீமேக் ரைட்ஸ் ஒன்றை வாங்கி வைத்திருக்கின்றது.
அப்படம் அஜித்திற்கு சரியாக இருக்கும் என நினைத்த லைக்கா நிறுவனம் அஜித்திடம் இந்த விஷயத்தை கூறியுள்ளது. அஜித்தும் இதற்கு ஒப்புக்கொண்டுள்ள நிலையில் மகிழ் திருமேனி ரீமேக் படமெல்லாம் வேண்டாம், என் கதையையே படமாக எடுக்கலாம் என நம்பிக்கையாக பேசியிருக்கிறார்.
எனவே ரீமேக் திட்டத்தை கைவிட்டுவிட்டு மகிழ் திருமேனியின் கதையையே படமாக எடுக்க படக்குழு தற்போது முடிவெடுத்துள்ளது. இதைத்தொடர்ந்து தற்போது மகிழ் திருமேனி தன் கதையை தீவிரமாக தயார் செய்து வருகின்றார். இந்நிலையில் AK62 படத்தின் அறிவிப்பு மே மாதம் வெளியாகும் என்றும் அடுத்த மாதம் இப்படத்தின் படப்பிடிப்பு துவங்கும் என்றும் எதிர்பார்க்கப்படுகின்றது குறிப்பிடத்தக்கது.