எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தற்போது தமிழ் சினிமாவில் லோகேஷ் கனகராஜ் பரபரப்பான இயக்குனராக வலம் வருகின்றார். அவர் இதுவரை இயக்கிய நான்கு படங்களும் மெகாஹிட் படங்களாக அமைந்தன. குறிப்பாக அவரின் முந்தைய படமான விக்ரம் தாறுமாறு ஹிட்டடித்ததை அடுத்து இந்தியளவில் பிரபலமான இயக்குனராக உருவெடுத்துள்ளார்.
அவரின் இயக்கத்தில் நடிக்க பல மொழிகளில் இருக்கும் முன்னணி நடிகர்கள் விருப்பம் தெரிவித்த நிலையில் லோகேஷ் தற்போது விஜய்யின் லியோ திரைப்படத்தை இயக்கி வருகின்றார். மாஸ்டர் படத்தில் விஜய்க்காக சில கமர்ஷியல் விஷயங்களை சேர்ந்திருந்த லோகேஷ் இம்முறை லியோ படத்தை முழுக்க முழுக்க தன் ஸ்டைலில் உருவாக்கி வருகின்றார்.
Lokesh Kanagaraj: சண்டைக்கு செல்லவும் தயங்கமாட்டேன்..உணர்ச்சிவசப்பட்ட லோகேஷ்..ஷாக்கான ரசிகர்கள்..!
இதன் காரணமாகவே இப்படத்தின் மீதான எதிர்பார்ப்பு அதிகரித்துள்ளது. இந்நிலையில் லியோ படத்திற்கு பிறகு லோகேஷ் கைதி 2 படத்தை இயக்குவார் என எதிர்பார்க்கப்படுகின்றது. கைதி 2 படத்திற்க்கு பிறகு கமல்ஹாசனை வைத்து விக்ரம் படத்தின் அடுத்த பாகத்தையும், சூர்யாவை வைத்து ஒரு படத்தையும் லோகேஷ் இயக்கவுள்ளார் என செய்திகள் வந்துள்ளன.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
ஆனால் இதில் எந்த படத்தை லோகேஷ் அடுத்ததாக இயக்கவுள்ளார் என்பதை தெரிந்துகொள்ள ரசிகர்கள் ஆவலாக இருக்கின்றனர். மறுபக்கம் லோகேஷ் ரஜினியின் படத்தை இயக்குவார் என்றும், அது தான் ரஜினியின் கடைசி படமாக இருக்கும் என்றும் ஒரு தகவல் வந்துள்ளது.
ரஜினி அப்படத்துடன் சினிமாவில் இருந்து ஓய்வு பெற இருப்பதாக கோலிவுட் வட்டாரத்தில் கிசுகிசுக்கப்பட்டு வருகின்றது. மாஸ்டர் படம் முடித்த கையோடு ரஜினியின் படத்தை தான் லோகேஷ் இயக்குவதாக இருந்தது. ஆனால் சில பல காரணங்களால் ரஜினியை லோகேஷ் இயக்கமுடியாமல் போனது.
இதையடுத்து தற்போது லோகேஷ் மற்றும் ரஜினி இணைவது கிட்டத்தட்ட உறுதியாகியுள்ளது. மேலும் சமீபத்தில் லோகேஷ் ரஜினியை சந்தித்து பேசியதாகவும், ரஜினியின் 171 திரைப்படத்தை லோகேஷ் இயக்குவது உறுதியாகி இருப்பதாகவும் தகவல்கள் வருகின்றன.
இதைத்தொடர்ந்து இப்படத்தை ஏற்கனவே லோகேஷின் படத்தை தயாரித்த ஒரு தயாரிப்பாளர் தான் தயாரிக்க இருக்கின்றார் என தெரிகின்றது. தற்போது நெல்சனின் இயக்கத்தில் ஜெயிலர் படத்தில் நடித்து வரும் ரஜினி அடுத்ததாக ஜெய் பீம் படத்தை இயக்கிய ஞானவேல் இயக்கத்தில் நடிக்கவுள்ளார்.இதையடுத்து தன் 171 படத்திற்காக லோகேஷுடன் ரஜினி இணைவார் என எதிர்பார்க்கப்படுவது குறிப்பிடத்தக்கது.