தயாரிப்பாளர் வி.ஏ.துரைக்கு மருத்துவ உதவி செய்த ராகவா லாரான்ஸ்!
பிதாமகன், கஜேந்திரா, போன்ற படங்களை தயாரித்தவர் வி.ஏ.துரை. கடந்த சில ஆண்டுகளாகவே இவர் உடல் நலம் பாதிக்கப்பட்டு இருக்கிறார். நண்பர்கள் உதவியால் சிகிச்சை பெற்று வந்த இவருக்கு சிகிச்சைக்கு கூட பணமின்றி தவித்து வருவதாக சமீபத்தில் வீடியோ வெளியானது. மேலும் அவரது உடலும் மெலிந்து கால்களில் புண்கள் வந்து மிகவும் அவதிப்பட்டு வந்தார். அந்தசமயம் நடிகர்கள் சூர்யா, கருணாஸ் உள்ளிட்ட சில திரைப்பிரபலங்கள் உதவினர்.
தற்போது வி.ஏ துரை அண்ணா நகரில் உள்ள பிரபல மருத்துவமனையில் சிகிச்சைக்காக அனுமதிக்கப்பட்டுள்ளார். இந்நிலையில் அவருக்கு மருத்துவ செலவிற்கான ரூ 3 லட்சத்தை நடிகர் ராகவா லாரான்ஸ் மருத்துவமனையில் செலுத்தி உதவியிருக்கிறார்.