அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
விஜய் தற்போது லோகேஷ் கனகராஜின் இயக்கத்தில் லியோ திரைப்படத்தில் நடித்து வருகின்றார். கடந்த பொங்கல் பண்டிகையை முன்னிட்டு விஜய்யின் நடிப்பில் வெளியான வாரிசு திரைப்படம் கலவையான விமர்சனங்களை பெற்றாலும் வசூலை பொறுத்தவரை மிகப்பெரிய வெற்றியை பெற்றது.
இதையடுத்து தற்போது தான் நடித்து வரும் லியோ திரைப்படத்தை விமர்சன ரீதியாகவும் வெற்றிபெற வைக்க உழைத்து வருகின்றார் விஜய். இந்நிலையில் விக்ரம் என்ற மாபெரும் வெற்றிப்படத்திற்கு பிறகு லோகேஷ் விஜய்யை இயக்கி வருகின்றார் என்பதால் இப்படத்திற்கு ரசிகர்கள் மத்தியில் கூடுதல் எதிர்பார்ப்பு இருந்து வருகின்றது.
Rajini: மீண்டும் பழைய ரஜினியாக மாறும் தலைவர்..அசந்துபோன கோலிவுட்.!
இதையடுத்து தற்போது இப்படத்தின் முதல்கட்ட படப்பிடிப்பு காஷ்மீரில் நடந்து முடிக்கப்பட்ட நிலையில் தற்போது அடுத்தகட்ட படப்பிடிப்பு சென்னையில் விறுவிறுப்பாக நடைபெற்று வருகின்றது. இதில் விஜய் உட்பட த்ரிஷா, சஞ்சய் தத், மன்சூர் அலி கான் ஆகியோர் கலந்துகொண்டு வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இப்படம் முழுக்க முழுக்க லோகேஷின் ஸ்டைலில் உருவாகி வருவதால் இப்படத்தில் நாம் வித்யாசமான விஜய்யை பார்க்கலாம் என ரசிகர்கள் எதிர்பார்த்து காத்துக்கொண்டிருக்கின்றனர். மேலும் லியோ திரைப்படத்தின் படப்பிடிப்பு துவங்கும் முன்பே இப்படம் பலகோடிக்கு வியாபாரம் ஆகியுள்ளதால் லியோ படத்தின் மூலம் ஆயிரம் கோடி வசூலை பெற்று சாதனை படைக்க படக்குழு திட்டமிட்டுள்ளது.
இந்நிலையில் தற்போது விஜய்யின் பழைய வீடியோ ஒன்று இணையத்தில் செம வைரலாகி வருகின்றது. கடந்த 2008 ஆம் ஆண்டு நடைபெற்ற ஐ.பி.எல் போட்டியில் CSK அணிக்கான விளம்பர தூதராக இருந்தார் விஜய். அப்போது CSK அணி விளையாடும் சில போட்டிகளை மைதானத்தில் கண்டு கழித்தார் விஜய்.
அப்போது ஒரு போட்டியின் போது CSK ஜெர்சியை போட்டுகொண்டு உற்சாகமாக நடனமாடி அந்த அணிக்காக சப்போர்ட் செய்துள்ளார் விஜய். அந்த வீடியோ தான் தற்போது இணையத்தில் செம வைரலாகி வருகின்றது. நம்ப தளபதி ஒரு காலத்தில் எப்படி இருந்துருக்காரு என இந்த வீடியோவை பார்த்த சில ரசிகர்கள் கமன்ட் செய்து வருகின்றனர்.