மலையாள திரையுலகில் பிரபல நடிகராக வலம் வந்தவர் நடிகர் மம்முகோயா. நாடக கலைஞராக தனது வாழ்க்கையை தொடங்கினார் மம்முகோயா. பின்னர் சினிமாவில் நடிக்கும் வாய்ப்பை பெற்ற மம்முகோயா, காமெடி நடிகராக சுமார் 450 படங்களுக்கும் மேலாக நடித்துள்ளார்.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
மலையாள மொழி படங்கள் மட்டுமின்றி பிளமென்ஸ் ஆப் பாரடைஸ் என்ற பிரெஞ்சுமொழி படத்திலும் நடித்துள்ளார் மம்முகோயா. இரண்டு முறை கேரள மாநில அரசின் விருதுகளைப் பெற்றுள்ள மம்முகோயா மேலும் பல விருதுகளையும் பெற்றுள்ளார். மம்மூட்டி, மோகன்லால், உட்பட பல முன்னணி மலையாள நடிகர்களின் படங்களில் குணச்சித்திர கதாபாத்திரங்களிலும் நகைச்சுவை கதாப்பாத்திரங்களிலும் நடித்துள்ளார்.
Trisha: மாடர்ன் லுக்கில் மிரட்டும் குந்தவை… த்ரிஷாவின் லேட்டஸ்ட் க்ளிக்ஸ்!
கால் பந்தாட்ட பிரியரான மம்முகோயா கேரள மாநிலம் மலப்புரம் மாவட்டத்தில் கால்பந்து போட்டியை துவக்கி வைப்பதற்காக நேற்று முன் தினம் சென்றார். போட்டியைப் பார்த்துக்கொண்டிருந்தபோது அவருக்குத் திடீரென மாரடைப்பு ஏற்பட்டு திடீரென மயங்கி விழுந்தார். இதையடுத்து உடனடியாக கோழிக்கோட்டில் உள்ள தனியார் மருத்துவமனையில் அனுமதிக்கப்பட்டார் நடிகர் மம்முகோயா.
அங்கு அவருக்கு வெண்டிலேட்டரில் தீவிர சிகிச்சை அளிக்கப்பட்டு வந்த நிலையில் அவரது உடல் நிலை சீராக இருப்பதாக மருத்துவமனை தரப்பில் தெரிவிக்கப்பட்டிருந்தது. இந்நிலையில் இன்று சிகிச்சை பலனின்றி உயிரிழந்தார். 76 வயதான மம்முகோயாவின் திடீர் மரணம் மலையாள சினிமா பிரபலங்களையும் ரசிகர்களையும் பெரும் அதிர்ச்சியில் ஆழ்த்தியுள்ளது.
Dhanush: இது என்ன தனுஷுக்கு வந்த சோதனை… கேப்டன் மில்லர் படப்பிடிப்பை நிறுத்த ஆட்சியர் உத்தரவு!
மலையாள திரை உலக பிரபலங்கள் பலரும் மம்முகோயாவின் மறைவுக்கு இரங்கல் தெரிவித்து வருகின்றனர். ரசிகர்கள் பலரும் சமூக வலைதளங்களில் இரங்கல் தெரிவித்து வருகின்றனர். மம்முக்கோயா 1979 ஆம் ஆண்டு நாடக நடிகராக அறிமுகமானார். அதற்கு முன் கோழிக்கோட்டில் உள்ள ஒரு மர ஆலையில் பணிபுரிந்தார்.
40 ஆண்டுகளாக மலையாள சினிமா உலகில் தனக்கான இடத்தை பிடித்த மம்முகோய தனது மாப்பிலா பேச்சுவழக்கு மற்றும் அவரது டைமிங் நகைச் சுவைகளுக்கு பெயர் பெற்றவர். பெருமழக்காலம் மற்றும் இன்னாதே சிந்த விசயம் ஆகிய படங்களில் நடித்ததற்காக இரண்டு கேரள மாநில திரைப்பட விருதுகளை வென்றார் மம்முகோயா.
Meena: 46 வயசா… இது ஒன்னே போதும்.. இன்னொரு ரவுண்ட் வரலாம்.. மீனாவோட லேட்டஸ்ட் வீடியோ!
மறைந்த நடிகர் மம்முகோயாவுக்கு சுஹாரா என்ற மனைவியும் முகமது நிசார், ஷாஹிதா, நதியா மற்றும் அப்துல் ரஷீத் ஆகிய நான்கு பிள்ளைகளும் உள்ளனர். மம்முகோயா கோழிகோடு பெய்பூர் பகுதியில் குடும்பத்துடன் வசித்து வந்தார். கடந்த வாரம் நடிகர் மம்மூட்டியின் தாயார் காலமானார். இந்நிலையில் மம்முகோயா மரணமடைந்திருப்பது மலையாள திரைத்துறையினரை சோகத்தில் ஆழ்த்தியுள்ளது.