இந்துஜாவின் புதிய படம் அறிவிப்பு
'மேயாதமான்' படத்தின் மூலம் அறிமுகமானவர் இந்துஜா. அதன்பிறகு 60வயது மாநிறம், பில்லா பாண்டி, மகாமுனி, பிகில், மூக்குத்தி அம்மன் போன்ற படங்களில் நடித்தார். கடைசியாக நானே வருவேன் படத்தின் தனுஷ் ஜோடியாக நடித்தார். தற்போது காக்கி படத்தில் நடித்து வருகிறார். இந்த நிலையில் இந்துஜா நடிக்கும் புதிய படம் அறிவிக்கப்பட்டுள்ளது. படத்தின் டைட்டில் 'பார்க்கிங்'. சோல்ஜர்ஸ் பேக்டரி மற்றும் பேஷன் ஸ்டுடியோஸ் இணைந்து தயாரிக்கும் இந்த படத்தை பலூன் படத்தின் இணை இயக்குனரான ராம்குமார் பாலகிருஷ்ணன் இயக்குகிறார். ஹரிஷ் கல்யாண் நாயகனாக நடிக்கிறார். இவர்கள் தவிர எம்.எஸ்.பாஸ்கர், ராம ராஜேந்திரன், பிரார்த்தனா நாதன், இளவரசு மற்றும் பலர் நடிக்கிறார்கள். சாம் சிஎஸ் இசையமைக்க, ஜிஜு சன்னி ஒளிப்பதிவு செய்கிறார். இதன் படப்பிடிப்புகள் சென்னை சுற்றி மும்முரமாக நடந்து வருகிறது. த்ரில்லர் ஜார்னில் உருவாகும் படம்.