பாஜகவில் இணைந்த அண்ணாதுரை கண்ணதாசன்: ‘வந்த வரை லாபம்’ கணக்கு?

மறைந்த நடிகா் விவேக்குடன் இணைந்து சில திரைப்படங்களில் காமெடி கதாபாத்திரங்களில் நடித்துள்ளாா்.

நேற்று (ஜூலை 4) சென்னை கமலாலயத்தில் தமிழக பாஜக தலைவா் அண்ணாமலை முன்னிலையில் அவர் அக்கட்சியில் இணைந்தாா். அவரை அண்ணாமலை வரவேற்று, பாஜக உறுப்பினா் அடையாள அட்டையை வழங்கினாா். இந்த நிகழ்வில், பாஜக மாநிலப் பொருளாளா் எஸ்.ஆா்.சேகா், துணைத் தலைவா்கள் கே.பி.ராமலிங்கம், கரு.நாகராஜன் உள்ளிட்டோா் உடனிருந்தனா்.

அண்மையில் அதிமுக முன்னாள் எம்பி மைத்ரேயன் பாஜகவில் இணைந்திருந்தார். தற்போது அண்ணாதுரை கண்ணதாசன் இணைந்துள்ளார். மக்களவைத் தேர்தல் நெருங்கும் நிலையில் பாஜக தங்கள் கட்சியை நோக்கி முக்கிய பிரபலங்களை ஈர்த்து வருகிறது.

இது குறித்து அரசியல் விமர்சகர்களிடம் பேசினோம். “தமிழ்நாட்டில் பாஜகவை வளர்க்க அக்கட்சி எவ்வளவோ முயற்சிகளை மேற்கொண்டு வருகிறது. மாநிலத் தலைவராக வரும் ஒவ்வொருவருமே தமிழ்நாட்டில் தாமரையை மலர வைக்க பல்வேறு யுத்திகளை கையாள்கின்றனர். அண்ணாமலையும் தன் பக்கம் கவனத்தை ஈர்ப்பதற்காக ஒவ்வொரு பத்திரிக்கையாளர் சந்திப்பையும் தனக்கான வாய்ப்பாக பயன்படுத்தி தொடர்ந்து லைம் லைட்டில் இருக்க முயற்சித்து வருகிறார்.

ஆலோசனை கூட்டத்தை ஸ்டாலின் புறக்கணிக்க வேண்டும்.

என்னென்ன முயற்சிகள் எடுத்தாலும் மக்களின் மனநிலை என்ன, அவர்களது விருப்பம் என்ன என்பது தேர்தல் சமயத்திலேயே தெரிய வரும்.

பிரபலங்கள், செல்வாக்கான நபர்கள், மாற்று கட்சி நிர்வாகிகள் என பலரையும் குறிவைத்து பாஜக பக்கம் கூட்டி வருவது நாடு ழுழுவதும் அக்கட்சி பின்பற்றும் யுத்தி தான். அந்த வகையில் தமிழ்நாட்டில் உச்ச நட்சத்திரம் ரஜினிகாந்த் முதல் பல்வேறு நபர்களுக்கு ஸ்கெட்ச் போடப்பட்டது. ஆனால் பெரியளவில் பிரபலங்கள் பாஜக பக்கம் வரவில்லை. இருப்பினும் வந்தவரை லாபம் என்று யார் யார் சிக்குகிறார்களோ அவர்களை கட்சியில் இணைத்து வருகின்றனர்” என்கிறார்கள்.