விஜய் தற்போது லியோ படத்தில் நடித்து முடித்துள்ளார். லியோ படத்தில் இவரின் போர்ஷன் முடிவடைந்த நிலையில் இன்னும் சில தினங்களில் படத்தின் டப்பிங் வேலைகளை துவங்கவுள்ளார் தளபதி. அதன் பிறகு இரண்டு வாரங்கள் பிரேக் எடுத்துக்கொண்டு தளபதி 68 பட வேலைகளை துவங்குவார் என தெரிகின்றது.
கடந்த மே மாதம் யாரும் எதிர்பாராத வகையில் தன் அடுத்த படத்தின் அறிவிப்பை அதிரடியாக அறிவித்தார் விஜய். வெங்கட் பிரபுவின் இயக்கத்தில் யுவன் ஷங்கர் ராஜாவின் இசையில் தளபதி 68 திரைப்படம் உருவாக இருப்பதாகவும், இப்படத்தை AGS நிறுவனம் தயாரிக்க இருப்பதாகவும் அறிவிக்கப்பட்டது.
மேலும் இப்படத்திற்காக விஜய்க்கு 200 கோடி சம்பளம் வழங்கப்பட இருப்பதாக ஒரு தகவல் தீயாய் பரவியது. இதையடுத்து தற்போது வெங்கட் பிரபு தளபதி 68 படத்தின் கதை விவாதத்தில் ஈடுபட்டு வருவதாகவும், ஜூலை 15 ஆம் தேதிக்கு பிறகு தளபதி 68 படத்தில் நடிக்கும் நடிகர்களின் தேர்வு நடைபெற இருப்பதாகவும் தகவல்கள் வருகின்றன.
Vijay; சினிமாவில் இரண்டே ஜாதிகள் தான் இருக்கின்றன..பரபரப்பை கிளப்பிய விஜய் பட இயக்குனர்..!
இதெல்லாம் ஒரு பக்கம் இருக்கையில் தற்போது வெளியான ஒரு தகவல் ரசிகர்களை எதிர்பார்ப்பில் ஆழ்த்தியுள்ளது. என்னவென்றால் தளபதி 68 திரைப்படத்தில் பிரபல நடிகராக ஜெய் முக்கியமான ரோலில் நடிக்கிறாராம். வெங்கட் பிரபுவின் ஆஸ்தான நடிகரான ஜெய் விஜய்யின் பகவதி படத்தின் மூலம் திரையுலகில் அறிமுகமானார்.
அதையடுத்து பல படங்களில் நடித்து வரும் ஜெய் தற்போது மீண்டும் 20 வருடங்கள் கழித்து விஜய்யுடன் தளபதி 68 மூலம் இணைவார் என எதிர்பார்க்கப்படுகின்றது. இந்நிலையில் ஜெய் தளபதி 68 படத்தில் நடிக்கின்றார் என அதிகாரபூர்வமாக அறிவிப்பு வரவில்லை என்றாலும் கிட்டத்தட்ட இவர் நடிப்பது உறுதியாகி இருக்கின்றதாம்.
விஜய்யுடன் இணையும் ஜெய்
மேலும் இவர் வெங்கட் பிரபுவின் டீம் என்பதால் கண்டிப்பாக தளபதி 68 படத்தில் மிக முக்கியமான ரோலில் நடிப்பார் என எதிர்பார்க்கப்படுகின்றது. இதையடுத்து இப்படத்தின் படப்பிடிப்பு அக்டோபர் மாதம் துவங்கி அடுத்தாண்டு தீபாவளி பண்டிகையை முன்னிட்டு திரையில் வெளியாகும் என எதிர்பார்க்கப்படுகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் தளபதி 68 படத்திற்கு பிறகு விஜய் அரசியலில் களமிறங்க இருப்பதால் மூன்று வருடங்கள் சினிமாவில் இருந்து விலக இருப்பதாக ஒரு தகவல் தீயாய் பரவியது. ஆனால் அதெல்லாம் வெறும் வதந்திதான் என்றும், கண்டிப்பாக சினிமாவில் இருந்து விஜய் பிரேக் எடுக்கமாட்டார் என்றும் சிலர் அடித்து கூறுகின்றனர் என்பதும் குறிப்பிடத்தக்கது