ராகுல் காந்தி மேல்முறையீடு வழக்கு ஆகஸ்ட் 4ஆம் தேதிக்கு உச்ச நீதிமன்றம் ஒத்திவைத்துள்ளது. 10 நாள்களுக்குள் பதில் அளிக்க எதிர்மனுதாரர்களுக்கு நோட்டீஸ் வழங்கப்பட்டுள்ளது.
மோடி பெயர் குறித்து சர்ச்சைக்குரிய வகையில் பேசியதால் ராகுல் காந்தி மீது அவதூறு வழக்கு தொடரப்பட்டது. இந்த வழக்கு தொடர்பாக சூரத் நீதிமன்றத்திக் கடந்த 4 ஆண்டுகளாக வழக்கு நடைபெற்று வந்தது.
ஸ்டாலின் எடுக்கும் ரிவெஞ்ச்: ஆப்பரேஷன் வேலுமணி – பாயத் தயாராகும் திமுக அரசு!
இந்நிலையில் ராகுல் காந்தியை குற்றவாளியாக அறிவித்து, 2 ஆண்டுகள் சிறைத்தண்டனை வழங்கி சூரத் நீதிமன்றம் கடந்த மார்ச் மாதம் தீர்ப்பளித்தது. இதனைத் தொடர்ந்து ராகுல் காந்தியின் எம்.பி பதவி தகுதி நீக்கம் செய்யப்பட்டது.
இந்த தீர்ப்பை எதிர்த்து குஜராத் செசன்ஸ் நீதிமன்றத்தில் ராகுல் காந்தி மேல்முறையீடு செய்தார். அந்த மனுவை விசாரித்த நீதிபதி ராகுல் காந்தியின் மேல்முறையீட்டு மனுவை தள்ளுபடி செய்து உத்தரவிட்டார்.
அதன் பின்னர் குஜராத் உயர் நீதிமன்றத்தில், கீழமை நீதிமன்றம் விதித்த தண்டனைக்கு தடை விதித்து உத்தரவிடக் கோரி ராகுல் காந்தி இரண்டாவது முறையாக மேல்முறையீடு செய்தார். குஜராத் உயர் நீதிமன்றம் ஜூலை 7 ஆம் தேதி இந்த மேல்முறையீட்டு வழக்கில் தீர்ப்பு வழங்கியது. சூரத் நீதிமன்றத்தின் தீர்ப்பு சரியானது. அதில் தலையிட முடியாது என தெரிவித்து ராகுல் காந்தியின் மேல்முறையீட்டு மனு தள்ளுபடி செய்யப்பட்டது.
இதைத் தொடர்ந்து உச்ச நீதிமன்றத்தில் மேல் முறையீடு செய்தார் ராகுல் காந்தி. அந்த மேல்முறையீட்டு மனு மீதான விசாரணை இன்று நடைபெற்றது. இந்த வழக்கு விசாரணையில் தண்டனையை நிறுத்தி வைத்து, எம்.பி. பதவியை தகுதிநீக்கம் செய்ததை நிறுத்தி வைத்தால் நாடாளுமன்ற மழைக்கால கூட்டத்தொடரில் ராகுல் காந்தி கலந்துகொள்வார் என்று எதிர்பார்க்கபப்ட்டது. ஏற்கெனவே அவர் ஒரு கூட்டத்தொடரில் கலந்துகொள்ளவில்லை. இதனால் தனது மக்கள் பணி பாதிக்கப்பட்டுள்ளதாக ராகுல் காந்தி தரப்பில் தெரிவிக்கப்பட்டது.
ஆனால் நீதிபதி தண்டனை குறித்தும், தகுதி நீக்கம் குறித்தும் எந்த உத்தரவும் பிறப்பிக்கவில்லை. மேல்முறையீட்டு மனு மீது 10 நாள்களுக்குள் பதில் அளிக்குமாறு எதிர்மனுதாரர்களிக்கு உத்தரவிட்டு வழக்கு விசாரணையை ஆகஸ்ட் 4ஆம் தேதிக்கு ஒத்திவைத்துள்ளார்.
எனவே இந்த கூட்டத்தொடரில் ராகுல் காந்தி தொடர்வதில் சிக்கல் நிலவுகிறது.