தமிழ் சினிமாவில் இளம் நடிகையாக திகழ்பவர் காயத்ரி ஷங்கர். இவர் தொடர்ச்சியாக விஜய் சேதுபதியுடன் பல படங்களில் இணைந்து நடித்துள்ளார். அண்மையில் காயத்ரி அளித்துள்ள பேட்டி ஒன்றில் படப்பிடிப்பு தளத்தில் தான் எதிர்கொண்ட பிரச்சனைகள் குறித்து வெளிப்படையாக பேசியுள்ளார்.
நடுவுல கொஞ்சம் பக்கத்த காணோம், ரம்மி, புரியாத புதிர், சீதக்காதி, சூப்பர் டீலக்ஸ், மாமனிதன் உள்ளிட்ட படங்களில் விஜய் சேதுபதியுடன் இணைந்து நடித்துள்ளார். மேலும் பல படங்களில் ஹோம்லி லுக்கில் நடித்து ரசிகர்கள் மத்தியில் வரவேற்பை பெற்றவர் காயத்ரி. திரைப்படங்களில் ஹோம்லி லுக்கில் நடித்தாலும், நிஜத்தில் மாடர்னான பெண்ணாக வலம் வந்து கொண்டிருக்கிறார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும், அண்மையில் லோகேஷ் கனகராஜ் இயக்கத்தில் வெளியான ‘விக்ரம்’ படத்தில் நடித்திருந்தார். இந்தப்படத்தில் பகத் பாசில் ஜோடியாக நடித்திருந்தார். இந்தப்படத்தில் வில்லன்கள் காயத்ரி தலையை வெட்டுவதை போன்ற காட்சி இடம்பெற்றிருக்கும். இந்த சீனை வைத்து பல மீம்ஸ்கள் இணையத்தில் பறந்தன.
இந்நிலையில் காயத்ரி தற்போது நேர்காணல் ஒன்றில் பேசும் போது படப்பிடிப்பு தளத்தில் தனக்கு ஏற்பட்ட தர்ம சங்கடமான சூழல் குறித்து பேசியுள்ளார். அதில் நீங்க எதையாவது மாத்தணும் நினைச்சா எதை மாத்துவீங்க என கேட்கப்பட்ட போது, ஷுட்டிங் ஸ்பாட்டில் நான் மட்டும் பெண்ணாக இருக்கும் போது சில நேரங்களில் பாத்ரூம் கூட இருக்காது. இதை தயாரிப்பு தரப்பும் யோசிக்காது. இது நம்ம ஆரோக்கியத்தை பாதிக்க கூட விஷயம். இதை தான் மாத்தணும் நினைக்கிறேன்.
R. Vittal: ரஜினி, கமல் படங்களில் பணியாற்றிய பிரபலம் மறைவு: திரையுலகினர் இரங்கல்.!
மேலும் சில படங்களில் நடிக்கும் போது லொகேஷன் விட்டு வேறொரு இடத்துக்கு செல்லும் போது நடுவிலே வண்டியை நிப்பாட்டி மாண்டேஜ் ஷுட்டிங் எடுக்கலாம் சொல்வாங்க. அதுக்காக கார்லயே டிரெஸ் மாத்த சொல்வாங்க. அட்லீஸ்ட் நடிகைகள் டிரெஸ் மாத்த ஒரு ரூம் அரேஜ் பண்ணி தரலாம். நம்மோட பாதுகாப்பு ரொம்ப முக்கியம். இவ்வாறு அந்த பேட்டியில் வெளிப்படையாக பேசியுள்ளார். காயத்ரியின் இந்த பேட்டி தற்போது சோஷியல் மீடியாவில் வைரலாகி வருகிறது.