‘ஜெயிலர்’ படம் துவங்கும் போதே இருந்த எதிர்பார்ப்பை விட தற்போது ரசிகர்கள் மத்தியில் மிகப்பெரிய எதிர்பார்ப்பு நிலவி வருகிறது. நெல்சன் திலீப்குமார் இயக்கத்தில் சன் பிக்சர்ஸ் தயாரிப்பில் இந்தப்படம் உருவாகியுள்ளது. இந்நிலையில் ‘ஜெயிலர்’ படத்தின் ரிலீஸ் தேதி நெருங்கி வரும் நிலையில் அடுத்தடுத்த அப்டேட்கள் வெளியாகி டிரெண்டிங்கில் கலக்கி வருகிறது.
‘அண்ணாத்த’ படத்திற்கு பிறகு ரஜினி நடிப்பில் உருவாகியுள்ளது ‘ஜெயிலர்’. சிறுத்தை சிவா இயக்கத்தில் வெளியான ‘அண்ணாத்த’ படம் வசூல்ரீதியாக வரவேற்பை பெற்றிருந்தாலும் ரசிகர்களின் எதிர்பார்ப்பை முழுமையாக பூர்த்தி செய்யவில்லை. இதனையடுத்து கோலமாவு கோகிலா, டாக்டர் போன்ற டார்க் காமெடி படங்களை இயக்கி கவனம் ஈர்த்த நெல்சன் திலீப்குமார் இயக்கத்தில் நடிக்க ஆரம்பித்தார் ரஜினி.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கோலிவுட் திரையுலகினர் மத்தியில் மிகப்பெரிய எதிர்பார்ப்பை கிளப்பும் விதமாக ‘ஜெயிலர்’ படம் உருவாகியுள்ளது. இந்தப்படத்தின் அடுத்தடுத்த அப்டேட்கள் மற்றும் புரோமோஷன்கள் இணையத்தை கலக்கி வருகின்றன. ‘ஜெயிலர்’ படத்தின் முதல் அப்டேட்டாக ‘காவாலா’ பாடல் வெளியானது. தமன்னாவின் கிளாமரான டான்ஸில் அனிருத் இசையில் வெளியாகி டிரெண்டிங்கில் கலக்கியது இந்தப்பாடல்.
இதனையடுத்து ரஜினியின் தீவிர ரசிகரான சூப்பர் சுப்பு என்பவர் வரிகளில் வெளியான ‘ஹுக்கும்’ பாடலும் ரசிகர்கள் மத்தியில் நல்ல வரவேற்பினை பெற்றது. எப்பவும் ரஜினி தான் சூப்பர் ஸ்டார் என்பதை போல் வெளியான இந்தப்பாடல் சோஷியல் மீடியாவில் பட்டையை கிளப்பியது. இதனை தொடர்ந்து ‘ஜெயிலர்’ படத்தின் இசை வெளியீட்டு விழாவும் பிரம்மாண்டமாக நடந்தது.
Maamannan: இன்னும் மீளவில்லை.. ‘மாமன்னன்’ படம் குறித்து திடீரென லோகேஷ் போட்ட ட்வீட்.!
இந்நிலையில் இன்று மாலை ‘ஜெயிலர்’ படத்தின் டிரெய்லர் வெளியாகயிருக்கிறது. இதற்காக ரசிகர்கள் வெறித்தனமாக காத்திருக்கின்றனர். கிட்டத்தட்ட ஒன்றரை வருடங்களுக்கு பிறகு ஆக்ஷனில் ரஜினியை பார்க்க ஆர்வமாக உள்ளனர் ரசிகர்கள். மேலும் ‘ஜெயிலர்’ படம் தொடர்பான ஒவ்வொரு போஸ்டரும், புரமோஷனும் படத்தின் மீதான எதிர்பார்ப்பை எகிற செய்துள்ளது.
இதனால் ‘ஜெயிலர்’ டிரெய்லரில் ரஜினியின் கிளாசான ஸ்டைல் மற்றும் மாஸான ஆக்ஷன் காட்சிகளை பார்க்கலாம் என ரசிகர்கள் பெரிதும் எதிர்பார்க்கின்றனர். மேலும், மாலை வெளியாகவுள்ள டிரெய்லருக்காக இப்போதில் இருந்தே ‘ஜெயிலர்’ ஹேஸ்டாக்கை டிரெண்ட் செய்து மாஸ் காட்டி வருகின்றனர் ரசிகர்கள். ‘ஜெயிலர்’ படம் தமிழ், மலையாளம், கன்னடம் மற்றும் தெலுங்கு மொழிகளில் பான் இந்தியா ரிலீசாக ஆகஸ்ட் 10 ஆம் தேதி வெளியாகவுள்ளது குறிப்பிடத்தக்கது.
Dhanush: ‘டி50’ படத்தில் இணைந்த அஜித்தின் ரீல் மகள்: தனுஷின் வேறலெவல் பிளான்.!