எலான் மஸ்க் என்றாலே சர்வதேச பணக்காரர் ஆச்சே. எலக்ட்ரிக் வாகன தயாரிப்பில் கொடிகட்டி பறக்கும் டெஸ்லா நிறுவனத்தின் சொந்தக்காரர் ஆச்சே. விண்ணில் சொகுசு சுற்றுலா, ஆராய்ச்சி என விண்கலங்களை அனுப்பி தினுசு தினுசா யோசிக்கும் ஸ்பேஸ் எக்ஸ் நிறுவனத்தின் ஓனர் ஆச்சே.
பிரதமர் மோடி – எலான் மஸ்க் டீலிங்
பிரபல சமூக வலைதளமான ட்விட்டரை விலைக்கு வாங்கி தாறுமாறா சம்பவம் பண்ணும் உலகப் பிரபலம் ஆச்சே. இப்படித்தான் ஒவ்வொருவருக்கும் ஒவ்வொரு விதமாக நினைவில் தோன்றும். இவரை இந்தியாவில் தொழில் செய்ய வருமாறு பிரதமர் மோடி சமீபத்தில் தனது அமெரிக்க அரசு முறை சுற்றுப்பயணத்தின் போது வலியுறுத்தியிருந்தார்.
புனேவில் அலுவலகம் ரெடி
டக்குனு ஓகே சொன்னதாக தகவல்கள் தெரிவிக்கின்றன. ஏற்கனவே அப்படி ஒரு பிளானில் தான் இருந்திருப்பார் போல. இந்நிலையில் மகாராஷ்டிர மாநிலம் புனேவில் டெஸ்லா நிறுவனத்தின் கிளையை திறக்க அச்சாரம் போட்டு விட்டார். இதுதான் தேசிய அளவில் இன்றைய வைரல் செய்திகளில் ஒன்றாக இருக்கிறது.
சி.ஆர்.இ மேட்ரிக்ஸ் உறுதி
புனேவில் உள்ள பஞ்ச்ஷில் பிஸினஸ் பார்க்கில் முதல் தளத்தின் பி விங்கில் 5,850 சதுர அடியில் இடம் முன்பதிவு செய்யப்பட்டிருக்கிறது. இதற்காக டேபிள் ஸ்பேஸ் டெக்னாலஜிஸ் நிறுவனத்துடன் 5 ஆண்டுகளுக்கு ஒப்பந்தம் கையெழுத்தாகி உள்ளது. இதனை பிரபல ரியல் எஸ்டேட் பகுப்பாய்வு நிறுவனமான சி.ஆர்.இ மேட்ரிக்ஸ் உறுதி செய்திருக்கிறது.
இன்வஸ்ட் இந்தியா அதிகாரிகள் உடன் சந்திப்பு
சமீபத்தில் தான் டெஸ்லா நிறுவனத்தின் மூத்த நிர்வாகிகள் சிலர் இன்வஸ்ட் இந்தியா அதிகாரிகள் உடன் முக்கியமான சந்திப்பை நிகழ்த்தினர். இதன் தொடர்ச்சியாக தான் தடபுடலாக வேலைகள் நடந்துள்ளன. அடுத்த விஷயம் தான் முக்கியமானது.
மாத வாடகையும், செக்யூரிட்டி டெபாசிட்டும்
ஆப்பிள் நிறுவனமே லட்சக்கணக்கில் மாத வாடகை கொடுத்து மும்பையில் பிரத்யேக ஷோரூமை திறக்கும் போது, நாங்கள் என்ன சும்மாவா? என்று எலான் மஸ்க் தெறிக்க விட்டிருக்கிறார். பஞ்ச்ஷில் பிஸினஸ் பார்க்கில் முன்பதிவு செய்துள்ள இடத்திற்கு 34.95 லட்ச ரூபாய் செக்யூரிட்டி டெபாசிட் அளிக்கப்பட்டிருக்கிறது. மாத வாடகையாக 11.65 லட்ச ரூபாய் அளிக்க ஒப்பந்தம் போட்டுள்ளனர்.
சீனாவிற்கு கெட் அவுட்
இதில் மற்றொரு விஷயமும் இருக்கிறது. சீனாவை சேர்ந்த எலக்ட்ரிக் வாகனங்களை தயாரிக்கும் பி.ஒய்.டி (BYD – Build Your Dreams) என்ற நிறுவனம் இந்தியாவில் 1 பில்லியன் டாலர் மதிப்பில் முதலீடு செய்ய மத்திய அரசை அணுகியது. ஆனால் அந்த கோரிக்கை நிராகரிக்கப்பட்டு விட்டது.
எல்லை பிரச்சினை
இதையடுத்து எலான் மஸ்க்கின் டெஸ்லா நிறுவனம் புனேவில் தடம் பதிக்கும் வேலைகள் முடுக்கி விடப்பட்டுள்ளன. எலான் மஸ்க்கிற்காக சீன நிறுவனத்திற்கு குட்பை சொல்லவில்லை. இந்திய – சீனா எல்லையில் தீராத பிரச்சினை சென்று கொண்டிருக்கிறது. இப்படி ஒரு நிலையில் சீனாவில் நிறுவனங்கள் முதலீடு செய்வது, அந்நாட்டு மொபைல் ஆப்களுக்கு தடை விதிப்பது என கறார் நடவடிக்கையில் மத்திய அரசு ஈடுபட்டு வருகிறது.
டெஸ்லா கார்கள்
இதையும் பி.ஒய்.டி விஷயத்தில் பொருத்தி பார்க்க வேண்டியுள்ளது. விரைவில் புனேவில் டெஸ்லா நிறுவனத்தின் எலக்ட்ரிக் கார்கள் தயாரிக்கும் தொழிற்சாலை கட்டமைக்கப்பட உள்ளது. அதன்பிறகு நவீன டெஸ்லா கார்கள் இந்தியாவிலும் ஓடத் தொடங்கும் என எதிர்பார்க்கப்படுகிறது.