ரஜினி தற்போது நெல்சனின் இயக்கத்தில் ஜெயிலர் படத்தில் நடித்து முடித்துள்ளார். இந்திய திரையுலகமே எதிர்பார்த்து இருக்கும் இப்படம் ஆகஸ்ட் 10 ஆம் தேதி திரையில் வெளியாகவுள்ளது. மோகன்லால், ஷிவ்ராஜ்குமார், ஜாக்கி ஷாரூப் என இந்திய திரையுலகில் இருக்கும் முன்னணி நட்சத்திரங்கள் பலர் இப்படத்தில் நடித்துள்ளதால் ஜெயிலர் ஒரு பான் இந்திய படமாக உருவெடுத்துள்ளது.
இப்படத்தை தொடர்ந்து ரஜினி ஐஸ்வர்யாவின் இயக்கத்தில் லால் சலாம் என்ற படத்தில் நடித்து வருகின்றார். கிரிக்கெட் விளையாட்டை அடிப்படையாக கொண்டு உருவாகும் இப்படத்தில் விக்ராந்த் மற்றும் விஷ்ணு விஷால் நாயகர்களாக நடிக்க ரஜினி மொய்தீன் பாய் என்ற சிறப்பு தோற்றத்தில் நடிக்கின்றார்.
தலைவர் 170 தகவல்கள்
பாட்ஷா படத்திற்கு பிறகு ரஜினி லால் சலாம் படத்தில் தான் முஸ்லிம் கதாபாத்திரத்தில் நடிக்கின்றார் என்பதால் இப்படமும் பாட்ஷாவை போல ரஜினியை மாஸாக காட்டும் என எதிர்பார்க்கப்படுகின்றது. இதைத்தொடர்ந்து ஜெய் பீம் படத்தை இயக்கிய ஞானவேலின் இயக்கத்தில் தலைவர் 170 படத்தில் நடிக்கவுள்ளார் ரஜினி.
Jailer: ஜெயிலர் படத்தில் இப்படி ஒரு ட்விஸ்ட் இருக்கா ? ரசிகர்களுக்கு காத்திருக்கும் அந்த சர்ப்ரைஸ் இதுதானா ?
இப்படத்தின் படப்பிடிப்பு விரைவில் துவங்கவுள்ள நிலையில் இப்படத்தை பற்றி பல தகவல்கள் வருகின்றன. அதாவது தலைவர் 170 திரைப்படம் ஒரு உண்மை சம்பவத்தை அடிப்படையாக கொண்டு உருவாக இருப்பதாகவும், ரஜினி இப்படத்தில் ஓய்வு பெற்ற போலீஸ் அதிகாரியாக நடிப்பதாகவும் தகவல்கள் வருகின்றன.
மேலும் இப்படம் வழக்கமான கமர்ஷியல் படமாக இல்லாமல் சற்று வித்யாசமான படமாக இருக்கும் என்றும் பேசப்பட்டு வருகின்றது. இந்நிலையில் கடந்த சில நாட்களாக தலைவர் 170 படத்தில் பாலிவுட் சூப்பர்ஸ்டார் அமிதாப் பச்சன் மற்றும் தெலுங்கு திரையுலகில் முன்னணி நடிகரான நானி ஆகியோர் நடிப்பதாக தகவல்கள் வந்தன.
பரவும் வதந்திகள்
இதைத்தொடர்ந்து ஜெயிலர் படத்தை போல தலைவர் 170 படமும் ஒரு மல்டி ஸ்டாரர் படமாக இருக்கும் என ரசிகர்கள் ஆவலாக எதிர்பார்த்து இருந்தனர். ஆனால் தற்போது வந்த தகவலின் படி தலைவர் 170 திரைப்படத்தில் அமிதாப் பச்சன் மற்றும் நானி நடிப்பதாக வந்த தகவல் உண்மை இல்லையாம்.அதெல்லாம் வெறும் வதந்திதானாம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இன்னும் தலைவர் 170 படத்தில் நடிக்கும் நடிகர்களை படக்குழு முடிவு செய்யவில்லையாம். இதைத்தொடர்ந்து அமிதாப் பச்சன் மற்றும் நானி ரஜினியுடன் இணைந்து நடிப்பார்கள் என்று எதிர்பார்த்து இருந்த ரசிகர்களுக்கு இந்த செய்தி சற்று ஏமாற்றமாகவே இருந்தது என்பது குறிப்பிடத்தக்கது.