நெல்சன் திலீப்குமார் இயக்கத்தில் ரஜினி நடிப்பில் உருவாகியுள்ள ‘ஜெயிலர்’ படத்தின் ரிலீஸ் தேதிக்காக ரசிகர்கள் ஆர்வமுடன் காத்திருக்கின்றனர். இன்னும் சில தினங்களில் ரிலீசாகவுள்ள இந்தப்படத்தின் வெளியீட்டை திருவிழா போல் கொண்டாட ரசிகர்கள் தயார் ஆகி வருகின்றனர். இந்நிலையில் தற்போது ‘ஜெயிலர்’ படத்தின் ப்ரீ புக்கிங் துவங்கி படு ஜோராக நடந்து வருகிறது.
சிறுத்தை சிவா இயக்கத்தில் வெளியான ‘அண்ணாத்த’ படத்திற்கு பிறகு ஜெயிலரில் நடித்துள்ளார் ரஜினி. அதே போல் ‘பீஸ்ட்’ படத்திற்கு குவிந்த ட்ரோல்களை தொடர்ந்து இந்தப்படத்தை இயக்கியுள்ளார் நெல்சன் திலீப்குமார். மேலும், ஒன்றரை ஆண்டுகளுக்கு பிறகு வெளியாகும் ரஜினி படம் என்பதால் கோலிவுட் சினிமாவே ஜெயிலருக்காக மிகவும் ஆர்வமாக காத்திருக்கிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் அண்மையில் இந்தப்படத்தின் இசை வெளியீட்டு விழா, டிரெய்லர் ரிலீஸ் நடந்து முடிந்தது. இந்த மிரட்டலான டிரெய்லரில் அமைதியான குடும்பத்து தலைவனாக அறிமுகமாகும் ரஜினி, ஒருக்கட்டத்தில் முத்துவேல் பாண்டியனாக மாறி அதிரடி ஆக்ஷனில் இறங்குகிறார். அதே போல் இந்த டிரெய்லரில் ஆங்காங்கே இடம்பெற்ற நெல்சனின் டார்க் காமெடியும் ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது.
இதனையடுத்து ‘ஜெயிலர்’ ரிலீஸ் தேதி நெருங்கி வரும் நிலையில் படத்தின் ப்ரமோஷன் வேலைகள் மும்முரமாக நடந்து வருகிறது. புதுப்புது ப்ரமோ, போஸ்டர் உள்ளிட்டவைகளை வெளியிட்டு வருகிறது படக்குழு. மேலும், அண்மையில் நடந்த ‘ஜெயிலர்’ ஆடியோ லான்ச் நேற்றைய தினம் தொலைக்காட்சிகளில் ஒளிப்பரப்பானது.
Sivakarthikeyan: ‘அயலான்’ படம் குறித்து தீயாய் பரவிய வதந்தி: வெளியான சூப்பர் அப்டேட்.!
இந்நிலையில் ப்ரீ புக்கிங்கில் உலகளவில் இப்படம் பட்டையை கிளப்பி வருகிறது. அமெரிக்கா, ஜப்பான் உள்ளிட்ட நாடுகளில் இப்படத்திற்கு எதிர்பார்ப்புகள் அதிகரித்துள்ளது. இதனையடுத்து தற்போது உலகவில் முதல் நாள் ப்ரீ புக்கிங்கில் ‘ஜெயிலர்’ படம் ரூ. 35 கோடி வரை வசூலித்து சாதனை படைத்துள்ளதாக தகவல்கள் வெளியாகியுள்ளன. இதனால் ரஜினி ரசிகர்கள் உற்சாகம் அடைந்துள்ளனர்.
‘ஜெயிலர்’ படத்தில் கோலிவுட் சினிமா சூப்பர் ஸ்டார் ரஜினியுடன், கன்னட சூப்பர் ஸ்டார் சிவராஜ்குமார், மலையாள சினிமா சூப்பர் ஸ்டார் மோகன்லால் உள்ளிட்ட மூன்று மொழிகளை சார்ந்த சூப்பர் ஸ்டார்கள் நடித்துள்ளனர். அத்துடன் பாலிவுட் பிரபலம் ஜாக்கி ஷெரப், சுனில், விநாயகன், தமன்னா, ரம்யா கிருஷ்ணன், வசந்த் ரவி, யோகி பாபு, மிர்னா உள்ளிட்ட பலர் இந்தப்படத்தில் இணைந்து நடித்துள்ளது குறிப்பிடத்தக்கது.
Vijay: ரஜினி பற்றி விஜய் சொன்ன ‘ஒத்த’ வார்த்தை: முடிவுக்கு வரும் மோதல்.?