ரஜினியின் நடிப்பில் உருவான ஜெயிலர் திரைப்படம் இன்று திரையில் வெளியாகியுள்ளது. நெல்சனின் இயக்கத்தில் சன் பிக்சர்ஸ் தயாரிப்பில் உருவான இபபடத்திற்கு அனிருத் இசையமைத்துள்ளார். படத்தின் பாடல்கள் பட்டிதொட்டி எங்கும் ஹிட்டடித்த நிலையில் இப்படத்தின் மீது ரசிகர்களின் எதிர்பார்ப்பு அதிகரித்தது.
இதையடுத்து ஜெயிலர் படத்தின் இசை வெளியீட்டு விழா சென்னையில் சில வாரங்களுக்கு முன்பு சிறப்பாக நடைபெற்று முடிந்தது. இவ்விழாவில் ரஜினி பல விஷயங்களை பேசி படத்தின் மீதான எதிர்பார்ப்பை மேலும் பலமடங்கு உயர்த்தியது.
நெல்சனின் படங்கள்
இந்நிலையில் இப்படம் இன்று திரையில் வெளியாகி ரசிகர்கள் மத்தியில் மிகப்பெரிய வரவேற்பை பெற்றுள்ளது. ஜெயிலர் படம் பழைய ரஜினியை மீண்டும் ரசிகர்கள் கண்முன் கொண்டுவந்ததாகவும், நெல்சன் இப்படத்தின் மூலம் மீண்டும் வெற்றிப்பாதைக்கு திரும்பியுள்ளதாகவும் ரசிகர்கள் தங்களின் கருத்துக்களை தெரிவித்து வருகின்றனர்.
Jailer Movie Review: ஜெயிலர் விமர்சனம்..படம் எப்படி இருக்கு ? வெளியான FDFS லைவ் அப்டேட்ஸ்..!
என்னதான் இப்படத்தின் கதைக்களம் பழைமையாக இருந்தாலும் படத்தின் ட்ரீட்மென்ட் புதுசாக இருந்தது தான் இப்படத்தின் பலம் எனலாம். அந்த அளவிற்கு திரைக்கதையில் கவனம் செலுத்தியுள்ளார் நெல்சன். மேலும் மோகன்லால், ஷிவ்ராஜ்குமார், ஜாக்கி ஷாரூப் என இந்திய திரையுலகில் இருக்கும் முன்னணி நடிகர்களை கேமியோ ரோலில் நடிக்கவைத்து ரசிகர்களை கொண்டாட வைத்துள்ளார் நெல்சன்.
இந்நிலையில் இப்படத்தின் கதைக்களம் சிலை கடத்தலை மையமாக வைத்து நெல்சன் உருவாக்கியுள்ளார். இதைத்தொடர்ந்து ரசிகர்கள் சிலர் நெல்சன் இயக்கிய படங்களை டீகோட் செய்து ஒரு விஷயத்தை கண்டுபிடித்துள்ளனர். அதாவது நயன்தாராவின் கோலமாவு கோகிலா என்ற படத்தின் மூலம் தான் இயக்குனராக நெல்சன் அறிமுகமானார்.
டீகோட் செய்யும் ரசிகர்கள்
அப்படத்தில் போதைப்பொருள் கடத்தலை பற்றிய கதைக்களத்தை உருவாகியிருப்பார் நெல்சன். இதையடுத்து அவர் சிவகார்த்திகேயனை வைத்து இயக்கிய டாக்டர் படத்தில் குழந்தைகள் கடத்தலை மையமாக வைத்து அப்படத்தை உருவாகியிருப்பார். இந்நிலையில் விஜய்யின் பீஸ்ட் படத்தில் மக்களை கடத்தி மால் ஒன்றை ஹைஜாக் செய்வது போல கதையம்சத்தை நெல்சன் படைத்திருந்தார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதைத்தொடர்ந்து தற்போது ஜெயிலர் படத்தில் சிலை கடத்தலை வைத்து மேலும் ஒரு முறை கடத்தல் சம்மந்தமான கதைக்களத்தை உருவாக்கியுள்ளார் நெல்சன். இதனை டீகோட் செய்து ரசிகர்கள் தற்போது வைரலாக்கி வருகின்றனர். இந்நிலையில் என்னதான் ஒரே மாதிரியான கதைக்களத்தில் நெல்சன் படமெடுத்தாலும் ஒவ்வொரு படத்திலும் வித்யாசமான திரைக்கதையை கையாண்டு ரசிகர்களை ஈர்த்து வருகின்றார் என்பது குறிப்பிடத்தக்கது.