தற்போதைய காலகட்டத்தில் ஒரு படம் நன்றாக இருந்தால் மட்டும் போதாது. அதன் வசூலும் அதிகமாக இருக்க வேண்டும் என ரசிகர்கள் விரும்புகின்றார்கள். ஒவ்வொரு ரசிகர்களும் தங்களின் நாயகனின் படம் வசூலில் சாதனை படைக்க வேண்டும் என நினைக்கின்றனர். இந்த ட்ரெண்ட் சமீபகாலமாக தான் இருந்து வருகின்றது.
முன்பெல்லாம் படம் எத்தனை நாட்கள் ஓடுகின்றது என்பதை தான் ரசிகர்கள் பார்த்து வந்தனர். ஆனால் தற்போது ரசிகர்களோ வசூலை தான் முக்கியமாக பார்க்கின்றனர். இந்நிலையில் சமீபத்தில் வெளியான ரஜினியின் ஜெயிலர் திரைப்படம் வசூலில் மிகப்பெரிய சாதனையை படைத்து வருகின்றது. ஜெயிலர் படம் வெளியான ஒரே வாரத்தில் 375 கோடி வசூலித்துள்ளது. இதன் மூலம் படம் வெளியான ஒரே வாரத்தில் அதிக வசூலை ஈட்டிய படம் என்ற சாதனையை ஜெயிலர் படைத்துள்ளது.
இனிவரும் நாட்களில் மேலும் வசூல் அதிகரிக்கும் என்றே எதிர்பார்க்கப்படுகின்றது. எந்திரன் படத்திற்கு பிறகு ரஜினிக்கு ஒரு பிளாக்பஸ்டர் திரைப்படம் கிடைத்துள்ளதை எண்ணி அவரது ரசிகர்கள் உற்சாகத்தில் இருக்கின்றனர். இதைத்தொடர்ந்து ஜெயிலர் திரைப்படம் கேரளா உள்ளிட்ட சில மாநிலங்களில் விஜய் மற்றும் கமலின் வசூல் சாதனையை முறியடித்துள்ளதாக தகவல்கள் வருகின்றன.
விக்ரம் படத்தின் வசூல்
பொதுவாக கேரளாவில் விஜய்யின் படங்கள் வசூலில் சாதனை படைத்து வரும். இது வழக்கமான ஒன்று தான். ஆனால் ரஜினியின் ஜெயிலர் திரைப்படம் வெளியான ஒரே வாரத்தில் விஜய்யின் ஒட்டுமொத்த கேரளா வசூல் சாதனையையும் முறியடித்துள்ளதாக தகவல் வந்துள்ளது. இந்நிலையில் விஜய் ரசிகர்களோ, லியோ படத்தின் மூலம் ஆயிரம் கோடி வசூல் சாதனை செய்து ஜெயிலர் சாதனையை முறியடிக்க வேண்டும் என கூறி வருகின்றனர்.
இந்நிலையில் உலகநாயகன் கமல்ஹாசனின் விக்ரம் படத்தின் வசூல் சாதனையை
ஜெயிலர் முறியடித்ததாக ரஜினி ரசிகர்கள் பதிவுகளை போட்டு வருகின்றனர். இதைப்பார்த்த
கமல்
ரசிகர்கள் அதற்கு பதில் பதிவை தயார் செய்து வருகின்றனர். அந்த வகையில் தற்போது விக்ரம் படம் வெளியான பிறகு கமல்ஹாசன் அளித்த ஒரு பேட்டியை ரசிகர்கள் ஷேர் செய்து வருகின்றனர்.
அந்த பேட்டியில் கமல், விக்ரம் 450, 600, 700 கோடினா, இது பத்தாயிரம் கோடிக்கு சமம் என பேசியுள்ளார். இதனை மட்டும் கட் செய்து ரசிகர்கள் ஷேர் செய்து வருகின்றனர். இதன் மூலம் விக்ரம் 700 கோடி வரை வசூலித்துள்ளதாக கமல் ரசிகர்கள் கூறி வருகின்றனர். மேலும் ரஜினியின் ஜெயிலர் விக்ரம் படத்தின் வசூலை பீட் செய்யவில்லை என்றும் கூறி வருகின்றனர் கமல் ரசிகர்கள்.
ஆனால் விக்ரம் படத்தின் உண்மையான வசூல் 700 கோடியா என்பது பற்றி தெரியவில்லை. இருப்பினும் விக்ரம் திரைப்படம் கண்டிப்பாக 450 முதல் 500 கோடிவரை வசூலித்திருக்கும் என்பதே பொதுவான ரசிகர்களின் கருத்தாக இருக்கின்றது. இந்நிலையில் இந்த வசூல் பஞ்சாயத்தை ஓரமாக வைத்துவிட்டு படத்தை மட்டும் ரசித்தால் நன்றாக இருக்குமே என்பது தான் பொதுவான சினிமா ரசிகர்களின் கருத்தாக இருந்து வருவது குறிப்பிடத்தக்கது.