டாடா இயக்குனர் தயாரிக்கும் 'ரேவன்'
கடந்த சில மாதங்களுக்கு முன்பு வெளியாகி நல்ல வரவேற்பை பெற்ற படம் 'டாடா'. இந்த படத்தை இயக்கிய கணேஷ் கே.பாபு அடுத்து தயாரிப்பாளராகி தனது உதவியாளரின் 'ரேவன்' என்ற படத்தை தயாரிக்கிறார். அவருடன் அவரது நண்பர் எம்.ஜி.ஸ்டூடியோ மாறன் இணைந்து தயாரிக்கிறார். படத்தின் திரைக்கதையையும் அவரே எழுதி உள்ளார். கல்யாண் கே.ஜெகன் இயக்குகிறார். ரவி சக்தி ஒளிப்பதிவு செய்கிறார், மனு ரபீசன் இசை அமைக்கிறார்.
அஜய் கார்த்திக் நாயகனாக அறிமுகமாகும் இப்படத்தில், நடிகர் நேத்திரன் மகள் அஞ்சனா நாயகியாக நடிக்கிறார். இயக்குநர் கே பாக்யராஜ், விடிவி கணேஷ், வீரா, இந்துமதி, பா.அருணாச்சலேஸ்வரன் ஆகியோர் முக்கியமான கதாப்பாத்திரங்களில் நடிக்கிறார்கள். ஒரே கட்டமாக படத்தின் படப்பிடிப்பை நடத்த படக்குழு முடிவு செய்துள்ளது. சென்னை மற்றும் அதன் சுற்றுப்புற பகுதிகளில் முழுப்படப்பிடிப்பும் நடக்கவுள்ளது.