உத்தரப்பிரதேச மாநிலம், ஹர்காவ் அருகிலுள்ள சிதாபூர் என்ற இடத்தைச் சேர்ந்தவர் மொகமத் அப்பாஸ் (55). இவரின் மனைவி நிஷா (53). இவர்களின் மகன் சௌகத், அதே ஊரைச் சேர்ந்த வேறு சமுதாயத்தைச் சேர்ந்த ஒரு மைனர் பெண்ணைக் காதலித்தார். இவர்களும் இருவரும் 2020-ம் ஆண்டு வீட்டைவிட்டு வெளியேறிவிட்டனர். இதில் சௌகத்துடன் சென்ற பெண்ணுக்கு 18 வயதாகவில்லை. இதனால் சௌகத் மீது கடத்தல், பாலியல் வன்கொடுமை, போக்சோ ஆகியவற்றின்கீழ் வழக்கு பதிவுசெய்யப்பட்டு, அவர் கைதுசெய்யப்பட்டார். அவர் 23 மாதங்கள் சிறையில் அடைக்கப்பட்டார்.
அவர் சிறையிலிருந்து வெளியில் வந்ததும், அவர்கள் இரண்டு பேரும் மீண்டும் வீட்டைவிட்டு வெளியேறினர். இதனால் மீண்டும் சௌகத் மீது பெண்ணின் குடும்பத்தினர் போலீஸில் புகார் செய்தனர். சம்பந்தப்பட்ட பெண் கோர்ட்டில் ஆஜராகி, சௌகத்துடன் வாழ விரும்புவதாகத் தெரிவித்தார். இதனால் இது தொடர்பான வழக்கிலிருந்து சௌகத் விடுவிக்கப்பட்டார். ஆனால், அந்தப் பெண்ணை அவரின் பெற்றோர் வேறு ஒருவருக்குத் திருமணம் செய்து கொடுக்க ஏற்பாடு செய்தனர்.
இந்த நிலையில் கடந்த 14-ம் தேதி அந்தப் பெண் மீண்டும் மூன்றாவது முறையாக சௌகத்துடன் வீட்டைவிட்டு வெளியேறினார். இதனால் கடும் கோபமடைந்த பெண்ணின் தந்தை ராம்பால் மற்றும் குடும்பத்தினர், பழிவாங்கும் நோக்கத்தோடு சௌகத் வீட்டுக்குச் சென்றனர். இரவில் அவர்கள் சௌகத்தின் தந்தை, தாயாரைக் கொலை செய்துவிட்டு தப்பித்துச் சென்றுவிட்டனர். காலையில் இது குறித்து போலீஸாருக்குத் தகவல் கிடைத்தது. உடனே அவர்கள் விரைந்து வந்து உடல்களை மீட்டனர். மேலும் வன்முறை எதுவும் நடக்காமல் இருக்க கூடுதல் போலீஸார் குவிக்கப்பட்டனர்.
இது குறித்து போலீஸ் அதிகாரி ஒருவர் பேசுகையில், “கொலைச் சம்பவம் தொடர்பாக பெண்ணின் சகோதரர் சைலேந்திரா, மைத்துனர் ஜெய்ஸ்வால், குடும்ப உறுப்பினர் ஒருவர் என மூவர் கைதுசெய்யப்பட்டிருக்கின்றனர். பெண்ணின் பெற்றோர் தலைமறைவாகிவிட்டனர். அவர்களைத் தேடி வருகிறோம். திருமணம் செய்துகொண்ட தம்பதி மிகவும் பாதுகாப்பான இடத்தில் தங்கவைக்கப்பட்டிருக்கின்றனர்” என்று தெரிவித்தார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/3PaAEiY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3PaAEiY