முடிவுக்கு வருகிறது ‛பாண்டியன் ஸ்டோர்ஸ்'?
விஜய் டிவியில் ஒளிபரப்பாகி வந்த பாண்டியன் ஸ்டோர்ஸ் தொடர் கடந்த 5 ஆண்டுகளுக்கு மேலாக ஒளிபரப்பாகி வருகிறது. தற்போது இந்த தொடர் ஒரு வழியாக இறுதிக்கட்டத்தை எட்டியுள்ளது. ஸ்டாலின், சுஜாதா, குமரன் தங்கராஜன், சரவணன் விக்ரமன், தீபிகா என பல முக்கிய நட்சத்திரங்கள் நடித்து வந்த இந்த தொடரில் சரவண விக்ரமன் பிக்பாஸ் வீட்டில் நுழைந்துவிட்டார். பிக்பாஸ் ஆரம்பித்த நாள் முதலே இந்த சீரியல் முடிவுக்கு வர இருப்பதாக செய்திகள் வெளியானது. இந்நிலையில், கடைசி நாள் ஷூட்டிங் ஸ்பாட் புகைப்படங்கள் படுபயங்கரமாக இணையத்தில் தற்போது வைரலாகி வருகிறது. அநேகமாக இந்தவாரம் அல்லது அடுத்தவாரத்திற்குள் சீரியல் நிறைவடையும் என தெரிகிறது.