ராஜஸ்தான், மத்தியப் பிரதேசம் உட்பட ஐந்து மாநிலங்களுக்குச் சட்டமன்றத் தேர்தல் அறிவிக்கப்பட்டிருக்கிறது. இந்தத் தேர்தல் வேலையில் அரசியல் தலைவர்கள் தீவிரமாக ஈடுபட்டு வருகின்றனர். மற்றொரு புறம் ராஜஸ்தான் அரசியலில் அமலாக்கத்துறை அதிகாரிகள் தங்களது வேலையைக் காட்ட ஆரம்பித்திருக்கின்றனர். மாநில காங்கிரஸ் தலைவர் கோவிந்த் சிங் வீட்டில் அமலாக்கத்துறை அதிகாரிகள் இன்று திடீரென ரெய்டு நடத்தினர். 2022-ம் ஆண்டு ஆசிரியர் தேர்வுக்கான வினாத்தாள் கசிந்தது தொடர்பான குற்றச்சாட்டு தொடர்பாக இந்த ரெய்டு நடத்தப்பட்டதாக அமலாக்கத்துறை வட்டாரங்கள் தெரிவித்திருக்கின்றன.
அதோடு அமலாக்கத்துறை அதிகாரிகள் முதல்வர் அசோக் கெலாட்டின் மகன் வைபவ் கெலாட்டுக்கும் இந்த விவகாரத்தில் சம்மன் அனுப்பியிருக்கின்றனர். இதனை அசோக் கெலாட் தனது ட்விட்டர் பக்கத்தில் குறிப்பிட்டிருக்கிறார். இது தொடர்பாக அவர் வெளியிட்டிருக்கும் பதிவில், “அரசியல் உள்நோக்கத்தோடு என்னுடைய மகனுக்கு அமலாக்கத்துறை சம்மன் அனுப்பியிருக்கிறது. காங்கிரஸ் அரசு நலத்திட்டங்களைச் செயல்படுத்தக் கூடாது என்ற நோக்கத்தில், மத்திய பா.ஜ.க அரசு இது போன்ற செயல்களில் ஈடுபடுகிறது” என்று குறிப்பிட்டிருக்கிறார்.
வைபவ் கெலாட்டுக்கு அனுப்பப்பட்டிருக்கும் சம்மனில், ஜெய்ப்பூர் அல்லது டெல்லியில் இருக்கும் அமலாக்கத்துறை அலுவலகத்தில் நாளை ஆஜராகும்படி கேட்டுக்கொள்ளப்பட்டிருக்கிறது. அன்னிய செலாவணி விதிகள் மீறப்பட்டிருப்பது குறித்து விசாரிக்க அமலாக்கத்துறை சம்மன் அனுப்பியிருப்பதாகக் கூறப்படுகிறது. முன்னதாக பா.ஜ.க எம்.பி கிரோடி லால் அமலாக்கத்துறையில் கொடுத்திருக்கும் புகாரில், முதல்வர் அசோக் கெலாட்டின் கறுப்புப் பணத்தில் சில தொழில்கள் மேற்கொள்ளப்படுவதாகவும், இதில் அசோக் கெலாட்டின் மகன் வைபவுக்குத் தொடர்பு இருப்பதாகவும் குறிப்பிட்டிருந்தார்.
அதனடிப்படையில் கடந்த ஆகஸ்ட் மாதம் அமலாக்கத்துறை அதிகாரிகள் டிரிடன் ஹோட்டல் அண்ட் ரிசார்ட், வார்தா என்டர்பிரைசஸ் நிறுவனங்கள் தொடர்புடைய இடங்களில் மூன்று நாள்கள் ரெய்டு நடத்தினர். மும்பை, ஜெய்ப்பூர், டெல்லி, உதைப்பூர் போன்ற இடங்களில் நடத்தப்பட்ட ரெய்டில் 1.2 கோடி ரூபாய் பணம் பறிமுதல் செய்யப்பட்டது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/46c3KEk
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.