இலங்கைக்கான பொதுவான வானிலை முன்னறிவிப்பு, தேசிய வளிமண்டலவியல் நிலையத்தின் முன்னறிவிப்புப் பிரிவால் வெளியிடப்பட்டது.
2023 நவம்பர் 14ஆம் திகதிக்கான வானிலை முன்னறிவிப்பு
2023 நவம்பர் 14 ஆம் திகதி அதிகாலை 05.30 மணிக்கு வெளியிடப்பட்டது
தென்மேற்கு வங்காள விரிகுடா கடல் பகுதியில் உருவாகி வரும் குறைந்த காற்றழுத்த தாழ்வு மண்டலத்தின் தாக்கம் காரணமாக, நாட்டை அண்மித்த தாழ்வான வளிமண்டலத்தில் தளம்பல் நிலை தொடர்ந்தும் காணப்படும்.
வடக்கு, வடமேல், மேல் மற்றும் தெண் மாகாணங்களின் கரையோரப்பகுதிகளில், அவ்வப்போது போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.
நாட்டின் ஏனைய பிரதேசங்களில் பி.ப 02.00 மணிக்குப் பின்னர் ஆங்காங்கே மழையோ அல்லது இடியுடன் கூடிய மழையோ பெய்யக் கூடும்.
மேல், சப்ரகமுவ, தெற்கு, மத்திய, வடமத்திய மற்றும் வட மாகாணங்களின் சில இடங்களில் 75 மி.மீ க்கும் அதிகமான ஓரளவு பலத்த மழைவீழ்ச்சி எதிர்பார்க்கப்படுகின்றது.
இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக பலத்த காற்றும் வீசக்கூடும். மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.