உத்தரபிரதேசம், நொய்டாவைச் சேர்ந்தவர் தொழிலதிபர் பங்கஜ் கபூர். இவர் `farmech food’ என்ற பெயரில் தொழில் நடத்தி வந்தார். அந்த தொழில் நஷ்டமடைந்ததால் மீண்டும் அதை நடத்த பங்கஜ் கபூருக்கு பணம் தேவைப்பட்டது. அதனால் பணத் தேவை குறித்து நண்பர்களிடமும் தெரிந்தவர்களிடமும் பங்கஜ் கபூர் கூறினார். இந்தநிலையில் சென்னை ஈஞ்சம்பாக்கம் சாய்பாபா காலனியில் செயல்பட்டுவரும் ஒரு நிறுவனத்திலிருந்து பவன்குமார் ராஜேந்திரன் என்பவர் பங்கஜ் கபூரை தொடர்பு கொண்டு, லோன் தருவதாக ஆசை வார்த்தைகளைக் கூறினார். இதையடுத்து சென்னை நிறுவனத்தின் தலைவர் என்று டாக்டர் சலாலுதீன் என்பவரை பங்கஜ் கபூர் சந்தித்தார். அப்போது தாங்கள் நடத்தி வரும் நிறுவனத்தின் மூலம் 100 கோடி ரூபாய்க்கு மேல் லோன் ஏற்பாடு செய்து தர முடியும் என்று கூறிய டாக்டர் சலாலுதீன், முதல்கட்டமாக 5 கோடி ரூபாய் லோன் தொகைக்கு ஏற்பாடு செய்வதாக கூறினார். அதனால் பங்கஜ் கபூர் நம்பி சந்தோஷமடைந்தார்.
இதையடுத்து சலாலுதீன், உங்களுக்கு 5 கோடி ரூபாய் லோன் கொடுக்க வேண்டும் என்றால் 6 மாதங்கள் வட்டித் தொகையை முன்கூட்டியே செலுத்த வேண்டும் என்று சலாலுதீன் கூறினார். அதற்கு ஒகே என்று கூறிய பங்கஜ் கபூர், 32 லட்சம் ரூபாயை நசீர் என்பவரின் வங்கி கணக்குக்கு அனுப்பி வைத்தார். அதன்பிறகும் சலாலுதீன், லோன் தொகையை கொடுக்காமல் ஏமாற்றி வந்தார். இதையடுத்து பங்கஜ் கபூர், சென்னை போலீஸ் கமிஷனர் அலுவலகத்தில் புகாரளித்தார். அதன்பேரில் சென்னை மத்திய குற்றப்பிரிவின் நம்பிக்கை ஆவண மோசடி பிரிவு 3-ல் வழக்குப்பதிவு செய்யப்பட்டது. இதையடுத்து மோசடி கும்பல் குறித்து போலீஸார் விசாரித்தனர்.
விசாரணையில் சலாலுதீனுடன் சேர்ந்து சந்தோஷ் வாசுதேவ், கணேஷ், நரசிம்மன் என்கிற ராமதாஸ், சதாம் உசேன், நசீர், கார்த்திக் உள்பட சிலர் கூட்டாக சேர்ந்து வடமாநில தொழிலதிபர் பங்கஜ் கபூரை ஏமாற்றியது தெரியவந்தது. இதையடுத்து சதாம் உசேன், கார்த்திக் என்கிற கலை, கிஷோர் சீனிவாசன் ஆகியோரை கடந்த 4.4.2023-ம் தேதி போலீஸார் கைது செய்தனர். இந்தக் கும்பலைச் சேர்ந்த நரசிம்மன் என்கிற ராமதாஸை போலீஸார் கடந்த 15.11.2023-ம் தேதி கைது செய்தனர். தலைமறைவாக இருக்கும் சிலரை போலீஸார் தேடிவருகிறார்கள்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/46c3KEk
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.