ஹாலிவுட்டுக்கு செல்லும் அட்லியின் ஜவான்!
ஷாருக்கான், விஜய் சேதுபதி, நயன்தாரா உள்ளிட்ட பலரது நடிப்பில் அட்லி இயக்கிய படம் ஜவான். பாலிவுட்டில் அவர் இயக்கிய இந்த முதல் படமே ஆயிரம் கோடி வசூலை கடந்ததால் அடுத்தபடியாக மீண்டும் ஷாருக்கான் – விஜய்யை இணைத்து ஒரு படம் இயக்கப் போவதாக கூறி வருகிறார் அட்லி.
இப்படியான நிலையில் தற்போது ஹாலிவுட் சினிமாவில் கொடுக்கப்படும், ஹாலிவுட் கிரியேட்டிவ் அலைன்ஸ் விருதுக்கான தேர்வு பட்டியலில் இந்த ஜவான் படம் இடம் பிடித்திருக்கிறது. இதன் மூலம் முதன்முதலாக ஹாலிவுட்டில் இடம்பிடித்த தமிழ் இயக்குனர் ஆகியிருக்கிறார் அட்லி. இப்படி உலகளாவிய சிறந்த படங்களுக்கான ஹாலிவுட் கிரியேட்டிவ் அலைன்ஸ் தேர்வு பட்டியலில் இந்தியா சார்பில் அட்லியின் ஜவான் படம் இடம்பெற்றதை அடுத்து அவருக்கு பாராட்டுக்கள் குவிந்து வருகிறது.