டைம் டிராவல் கதையில் நடிக்கும் மம்முட்டி
மலையாளத்தில் உணர்வுப்பூர்வமான படங்களும் காமெடி, ஹாரர் படங்களும் அதிக அளவில் வெளியானாலும் சயின்ஸ் பிக்சன் படங்கள் என்று பார்த்தால் தமிழை விட ரொம்பவே குறைவான அளவில் தான் வெளியாகி உள்ளன. இந்த நிலையில் முதன் முறையாக மலையாளத்தில் டைம் டிராவலை மையப்படுத்தி ஒரு சயன்ஸ் பிக்சன் திரைப்படம் உருவாகி இருக்கிறது.
இதில் கதாநாயகனாக மம்முட்டி நடிக்க இருக்கிறார் என்பதுதான் ஆச்சரியமான தகவல். ஏற்கனவே ஆவாஸ்யுகம், தி மேல் கோஸ்ட் என வித்தியாசமான கதைக்களங்களில் படங்களை இயக்கிய கிருஷந்த் இந்த படத்தை இயக்க உள்ளார் என்று சொல்லப்படுகிறது. 2024 மத்தியில் இதன் படப்பிடிப்பு துவங்கும் என்றும் கூறப்படுகிறது.