அஜித் உடன் டின்னர் சாப்பிட்ட மகிழ்ச்சியில் ஆரவ்
மகிழ்திருமேனி இயக்கத்தில் அஜித் நடித்து வரும் விடாமுயற்சி படத்தின் படப்பிடிப்பு தொடர்ந்து அஜர்பைஜான் நாட்டில் நடைபெற்று வருகிறது. இந்த படத்தின் படப்பிடிப்பில் சமீபத்தில் அர்ஜுன் கலந்து கொண்ட நிலையில், அவரைத் தொடர்ந்து பிக்பாஸ் சீசன்-1 டைட்டில் வின்னர் ஆரவ்வும் கலந்து கொண்டுள்ளார்.
நடிகர்கள் அஜித் , அர்ஜுன் ஆகியோருடன் படப்பிடிப்புக்கு பிறகு டின்னர் சாப்பிட்ட புகைப்படத்தை தனது எக்ஸ் பக்கத்தில் பதிவிட்டுள்ளார் ஆரவ். அதோடு கடின உழைப்பிற்கு பிறகு சாப்பிடுகிறோம் என்று ஒரு கேப்சனும் கொடுத்து தனது மகிழ்ச்சியை வெளிப்படுத்தி உள்ளார் ஆரவ். லைகா நிறுவனம் தயாரித்து வரும் இந்த விடாமுயற்சி படம் அடுத்த ஆண்டு கோடை விடுமுறையில் திரைக்கு வரவுள்ளது.