எதிர்நீச்சலில் மீண்டும் அப்பத்தா கதாபாத்திரம் : ஆனா செம டுவிஸ்ட்
தமிழில் டிவியில் ஒளிப்பரப்பாகி வரும் எதிர்நீச்சல் தொடர் மக்கள் மத்தியில் நல்ல வரவேற்பு பெற்றுள்ளது. இந்த தொடரில் வரும் அனைத்து கதாபாத்திரங்களுமே தனிப்பட்ட முறையில் மக்களிடம் நன்மதிப்பை பெற்றுள்ளது. இந்நிலையில், பாம்பே ஞானம் நடித்து வந்த பட்டம்மாள் (அப்பத்தா) என்கிற முக்கிய கதாபாத்திரம் இறப்பது போல் காட்டி முடிக்கப்பட்டது.
ஏற்கனவே மாரிமுத்துவின் மறைவால் டிஆர்பியில் திண்டாடி வரும் எதிர்நீச்சல் தொடர் முற்றிலும் மாறுப்பட்ட கதைக்களத்துடன் சென்று கொண்டிருக்கிறது. புதிய வில்லன்கள் என்ட்ரி கொடுத்துள்ளனர். அந்த வரிசையில் ஜனனியின் அப்பத்தாவாக பிரபல நடிகை டி.கே.கலா என்ட்ரி கொடுக்க உள்ளதாக செய்திகள் வெளியாகி வருகிறது.
கில்லி படத்தில் பிரகாஷ்ராஜுக்கும், குருவி படத்தில் விஜய்க்கும் அம்மா கதாபாத்திரத்தில் நடித்திருந்தார். இதுதவிர வெயில் உள்ளிட்ட பல படங்களில் நடித்துள்ளார். தற்போது அவர் வில்லியாக எதிர்நீச்சல் தொடரில் நடிக்கிறார் என்பது ரசிகர்களிடம் பெரிய எதிர்பார்ப்பை ஏற்படுத்தியுள்ளது.