தீபாவளிக்கு வெளியாகும் வேட்டையன் படம்
ஞானவேல் இயக்கத்தில் நடிகர் ரஜினிகாந்த் 'வேட்டையன்' என்கிற படத்தில் நடித்து வருகிறார் . இதில் அமிதாப் பச்சன், பஹத் பாசில், ராணா டகுபதி, மஞ்சு வாரியர், ரித்திகா சிங், துஷரா விஜயன் உள்ளிட்ட பலர் முக்கிய கதாபாத்திரங்களில் நடிக்கின்றனர். லைகா புரொடக்சன்ஸ் தயாரிக்கும் இப்படத்திற்கு அனிரூத் இசையமைக்கிறார். இதன் படப்பிடிப்பு பல கட்டமாக திருநெல்வேலி, திருவனந்தபுரம், மும்பை, ஐதராபாத் ஆகிய பகுதிகளில் நடைபெற்று வந்தது.
இதுவரை 80 சதவீத படப்பிடிப்பு முடிவடைந்த நிலையில் அடுத்த மாதத்திற்குள் இதன் மொத்த படப்பிடிப்பையும் முடித்து இந்த வருட தீபாவளிக்கு இப்படத்தை திரைக்கு கொண்டு வர திட்டமிட்டு வருவதாக தகவல் வெளியாகியுள்ளது.